|
سلطانيه!
ابهر داغين،
كؤكسۆنه گۆل تاخار اولسون.
يئنه آلاچيق قورولسون،
شاه بولاغين آخار اولسون.
كورلوق چكمه‌‌سين ائللرين،
داغلاردان داشسين سئللرين.
آغ بنيز ساري تئللرين،
بايغين - بايغين باخار اولسون.
الله قوروسون زنگاني،
سنه بخش ائتسين ائلخاني.
جوانلارين غيرت كاني،
ايلديريم تك شاخار اولسون.
قلبيمي بوردا قويلاديم،
قامتينه بوي بويلاديم.
گؤزه‌للريني هويلاديم،
دؤنوب جانيم ياخار اولسون.
زنگان لوحه‌لري - ص 10 .
|
