|
ايندي سنسن منيم بؤيۆك اۆميديم،
سئوگيلي جانانيم اونودما مني.
آيريليق سؤزۆنۆ سؤيلمه، آمان!
مني ياشادانيم، اونودما مني.
قيزيل گۆل دوغاندا مني ياد ائله،
فعله‌لر قالخاندا مني ياد ائله.
انقلاب اولاندا مني ياد ائله،
اي گؤزه‌ل انسانيم اونودما مني.
قوّت آل، جرأت آل محبّتيمدن،
سني من سئوميشم، من سئوميشم، من.
قهرمان گؤزله‌يير بو گؤزه‌ل وطن،
منيم قهرمانيم اونودما مني.
كيچيك شعرلر - ص
24- ياز 1351 - تبريز زنداني . دكتر حسين محمدزاده صديقين (دوزگون) - ايكينجي شعر وبلاگينه باخين
|
