|
دۆنيا منه اولدو نگار، اي گؤزه‌ل!
يازدا باهار، گۆز ده
باهار، اي گؤزه‌ل!
باغدا آييلجاق سحر ائركن، گۆلۆم،
چكدي هاوار، مينلر هزار، اي گؤزه‌ل!
من سنه حيرانليغيمي گيزله‌مم،
يوخدو بو ايشده منه عار، اي گؤزه‌ل!
يانديم ايچيمده مني وورجاق دني،
چكمه‌ديم عشقيندن هاوار، اي گؤزه‌ل!
قاشقايي‌نين
غيرتيني، مردليگين،
دۆنيايا سال بير داها جار، اي گؤزه‌ل!
كئچميشينه باخ گيلن، اوز جدّي‌نين،
قدريني بيل، ائيلمه خوار، اي گؤزه‌ل.
دۆزگۆنو دۆز عشق ساليب چؤللره،
قويمادي قلبينده قرار، اي گؤزه‌ل!
قاشقايي
لوحه‌لري - ص 30 - 1377.
|
