سن منيم شعريمين خطابي اولدون،
هر نه حس ائيله‌ديم سنه سؤيله‌ديم.
انتهاسيز آغير مشقت چكديم،
سنه دؤنۆب بۆتۆن بيان ائيله‌ديم.
كيم بيلير بورادا نه‌لر چكيره‌م،
اۆره‌گيمده آغير غبار قالانيب.
غصه‌دن دۆيۆندن آچيلمير اۆزۆم،
گۆلۆنجۆم شادليغيم نئجه تالانيب.
داها پارچالانير غملي اۆره‌گيم،
دولوبدور قاپ قارا بير بولود
كيمي.
آغير محنتيمه، فلاكتيمه،
شريك ائديم كيمي؟ چاغيريم كيمي؟
باخ، شعريم اولماسا داها ديغلارام،
يۆز دولو آهيمديم سطره دۆزۆلۆر.
ياش دا چيخمير نييه گؤزۆمدن
بيلمم،
كؤنلۆم پارچالانير جانيم اۆزۆلۆر.
سن ايندي نئيليرسن، خزان چاغيدير،
باخ من بوغولورام، دۆزۆن دۀ گؤزه‌ل.
مني ياديوا هئچ ساليرسان يا يوخ؟
دور گل قولاغيما اؤزۆن دۀ گؤزه‌ل.
اوخويوب گۆلمه‌يين منيم شعريمه،
يازماسام اۆره‌گيم پارچالاناجاق.
هر سطري يازاندا بير آه چكيره‌م،
هوس اۆسته دگيل بو شعري يازماق.
بو منيم حاليمين توتغون واختيندا،
فرياديما چاتان گؤز ياشلاريمدير.
گلين بو سؤزۆده مندن ائشيدين،
رذالت هئچ دوام ايتميه‌‌‌جكدير.
من گئتسمده اگر، اؤلسمده اگر،
آماليم هئچ زامان گئتميه‌‌‌جكدير.
مني گؤيلر يا كي فلك قاومادي،
قانونو بوغوبدور امپرياليزمين.
آخيردا بو گۆنۆن انتقامينا،
انسانلار قالخاجاق آياغا مين-مين.
قلبيمده دنيزوار، دريا وارمنيم،
توفانلار قالخيزار، ولاكن
سؤنمز!
من دؤنۆب گئده‌رم بو گئن دۆنيادان،
مندن هئچ بير زامان حقيقت دؤنمز.
من چكن درد‌لرين مينده بيرينه،
سيز گلين تابلاشين، كرديسي يوخون!
قوراشديرديغيز سيز بو قانونلارين،
گؤره‌‌‌جكسيز آخير سينه‌زده اوخون!
سيز اي دسپوتيزمين قودورغانلاري!
تاريخين صفحه‌‌سي قارا يازيلماز!
قانلارين سالديغي قيرميزي ايزلر،
هئچ زامان سيلينمز هئچ واخت پوزولماز.
يئنه‌ده دئييرم ائشيتسين عالم،
ياشاياجاق منيم بۆتۆن آماليم.
كيچيك امتحاندير دۆنيا اۆزۆنده،
منيم آغير گۆنۆم آجي احواليم.
كيمسه اينانماسين من آغلاميشام،
شاهينلر آغلاماز، عالملر بيلير.
گؤرمۆرسۆز شفقلر ايچينده قارتال،
نئجه محكم گئدير، نئچه برك
گئدير؟
اۆره‌گيمدن قوپان بۆتۆن كلمه‌لر،
ساحه‌لرده قانلي ايز سالاجاقدير.
من تنها قالمارام تك ياشامارام،
گؤيلۆم انسانلاري تام آلاجاقدير.
بو آغير كدرلي يالقيزليق ايچره،
هئچ زامان اؤزۆمۆ تنها بيلمرم.
دۆنيا وار قده‌ر من ياشامالييام،
بؤيۆك عشقيم اؤلمز، منده اؤلمرم.
قوي كؤنۆل وئرديگيم شوخ گؤزه‌ليم ده،
مني ايسته‌مه‌‌سين، مني سئومه‌‌سين.
لاكن من بير اونو، بيرده حياتي،
سئويرم، ايستيرم، سيز بونو
بيلين!
كيچيك
شعرلر - ص 29 - 27 - شهريور 1347 - مهروان
.
دكتر حسين محمدزاده صديقين (دوزگون) - ايكينجي شعر وبلاگينه باخين
