سرپيرسه‌ده نورونو آي هر يانا،
شئح داخماميز گؤرمه‌ييري بير ايشيق.
قارالاراق گۆنلريميز گئجه‌ميز،
دئوره‌ميزي باسقي قيليب قارانليق.
چۆرۆك ووغال، هيسلي پردي داميميز،
حله دوروب قاباغيندا ايشيغين.
كسگينسه‌ده نور، باتمايير بونلارا،
گيجه‌ليبن ايتيره جك بيلديگين.
درين - درين قارانليقدا چارپاجاق،
بير ده‌ليكدن نورون قيسا قويروغو.
داياناجاق بير مانعه چاتاراق،
كئچه‌نمه دن دؤنگه‌لري - بوروغو.
هاچانا جان چۆرۆيه‌‌‌جك جانيميز،
دئشيكسيز بير شئح داخمانين ايچنيده؟
دوغاجاقمي آيين قورصو بورادا،
چيخاجاغيق آيدينليغا بيز بيرده؟
سوساجاقمي گئجه دئوي بير يانليق،
آچيلاجاق آياقلاردان كۆنده‌لر؟
آيين نورو سرپيله‌‌‌جك ائوميزه؟
گؤره‌جه‌ييك آيدينليقدان بير به‌هر؟
كيچيك
شعرلر - ص 32 - 3 / 3 / 1346 .
