نولار وئرسز آرا توتغون بولوتلار؟
آچغين هاوا ايله يول آچين منه.
روحوما دۆنياني سيز ائتمه‌يين تار.
پنجره آرديندان باخيرام چؤله،
ياغيش گؤز ياشي تك تؤكۆر شيرهاشير.
يول كسنلر بودور، امر ائت دايانسين،
نانجيبليگيوين گل اؤره‌كنين قير.
واخت اؤتۆر سينه‌ده اۆره‌گيم دؤيۆر،
نه يار گلدي نه من يارلا چاتيشديم.
يانيمي توتقو ائده‌ن بير خوليالي ايله،
انتظار اودوندا حاييف باتيشديم...
چؤلده ديوارلارين سوواقلاري نين،
قوپولوب تؤكۆلمك سسي اينجه‌لير.
ايچه‌ريده ايسه دامجي شيرلايير.
دام، سو ساخلاماقدان داها دينجه‌لير.
اۆره‌گيمي ياخير انتظار اودو،
گؤزلريم ديكيليب پنجره‌لره.
شاققيلتي سالاراق آخار سولارا.
قوجاغين آچيبدير داغ، تپه، دره.
اينان سئوگيلي يار گؤزله‌يه‌جگم،
يولون آچيلماغين نه‌قدر وارام.
چاتيشام سنيله بيرجه لحظه من.
بيليره‌م او زامان ساغالار يارام.
كيچيك
شعرلر - ص 35 - 2 / 12 / 1344 - تبريز .
