بير بئله تنهاليق هئچ كس گؤرمه‌دي،
بئله بير آغريني كيمسه چكمه‌دي.
اينجييه‌ن آغلاييب اؤزۆن بوشالتدي،
ايچينه گؤز ياشي كيمسه تؤكمه‌دي.
ايچيمده آغلاديم، ايچيمده يانديم،
منه بير قده‌رده يانان اولمادي.
مني تنهاليقدان قورتاران يوخدور،
هامي چيخدي گئتدي، كيمسه قالمادي.
نه آغير درد ايميش تنهاليق، گؤزه‌ل،
قورتارمير بو گۆنلر بو دقيقه‌لر.
آدين خياليمدان هئچ سيلينمه‌دي،
نه‌لر چكديم بوردا، من، نه‌لر، نه‌لر؟
قوي باشيمي آتيم ديزيوين اۆسته،
دويونجا آغلاييم، دولوب اۆره‌گيم.
سن اوردا من بوردا، سندن آيرييام،
بوغازيم توتولور داها نه دئييم.
كيچيك
شعرلر - ص 135 .
