|
گل عاشق سؤزه،
گۆل چيخيب دۆزه.
قاللام آخردا،
حسرت او گؤزه.
ساللانيب سالخيم،
بولانار آرخيم.
چئوريله‌‌‌جكدير،
آخردا چارخيم.
مندن يان اولار،
او سئوديگيم يار.
بيليره‌م آخر،
گۆنۆم قارالار.
دويغو قالاجاق،
كؤنلۆم اوياجاق،
مني وطندن،
سۆرگۆن سالاجاق.
وئرمه داي اؤپۆش،
يانيمدان سۆرۆش.
بيردن آشكارلار،
بو خلوت گؤرۆش.
كۆچه سولانار،
سولار بولانار.
غم چكمه كؤنۆل،
زامان دولانار.
دولاننام باغي،
هر آخشام چاغي.
نئچۆن توخداماز،
اۆره‌گيم داغي؟
بوز يئل اسيبدير،
يولو كسيبدير.
يان يۆره‌ميزي،
ظۆلمت باسيبدير.
سنده سولارسان،
يالقيز قالارسان.
آمان دانيشما،
كافر اولارسان.
ظۆلمتده سوللام.
اۆميدله قاللام.
دۆنيادا من‌ده،
اولار كام آللام.
كيچيك
شعرلر - 14 / 2 / 42 خنيه - ص 103 .
|
