|
Min dil ilə keçmişlərdən,
Ey verən min xəbər, düzlər!
Mənə deyin dünya boyu,
Nələr gördüz, nələr düzlər?
Day ürəyim olub şan-şan,
Dünya dönüb, sanki zindan.
Doymuşam mən yaşayışdan,
Həyatda yox səmər düzlər.
Zalim qalır düz taxtında,
Xalqın açmır gül baxtında,
Həyatın ən xoş vaxtında,
Burda ölür hünər düzlər.
Qucağızı açın yara,
Gələn vardır baxtı qara.
E′tibar yox dünyalara,
Ömürdə yox bəhər düzlər.
|
