طبيعتين گؤزه‌ل زينتي شاعير،
ازيلميش كۆتله‌نين سن ديله گي سن.
مظلوم انسانلارين كسگين بير ديلي،
ايشيق اۆره‌كلرين شن چيچه گي سن.
ظۆلم تاپداغي‌نين غملي آهي‌نين،
تؤره‌ين باريسان، اونلاردان دانيش.
سن جمعيتين بير گؤره‌ر گؤزۆ تك،
تاريخين بزه‌گي انساندان دانيش.
سنين شاهبانوندا، شاهيندا ائلدير،
زنگينلره گئديب بوش بيعار اولما.
سن كؤنۆل مۆلكۆنۆن شهرياريسان،
شاهين أتگينده «شهريار» اولما.
گل دگيشمه شعرين معناسيني سن،
دۆزگۆن شاعيرلرين آدين باتيرما.
نييه بس ايشيقدان قورد تك قاچيرسان،
سارايلارا نه‌دن «شفق» ساچيرسان؟
تاريخ بيل بوراخماز باشين هر زمان،
دوتاجاق بوينونو داها اؤتۆرمز،
زمانين گؤزگۆسۆ يالان گؤتۆرمز.
اوچغون داخما -
ص 44 - 1 / 1 / 46 تبريز.
