آقوجامان باغوان! هارا ياتيبسان؟
گۆللرين ايچيندن دور يول آلاغي.
ساياق اول، زه‌هه‌رلي ياغيش أسيبدير،
محو ائده‌ر اينديجه بوستاني - باغي.
آييل، قيزيل گۆللر بير - بير سولوبدور،
بوتالارا آجي تيكان دولوبدور.
ايسته گيم-ديله گيم باخ كي اولوبدور،
گؤزه‌ل اگلنجه‌سي، يادلار اويناغي.
دۆزلۆگۆ قويدولار نئجه ساتينا،
قاتلاديلار عشقي مين بير قاتينا.
قول قويماز يادلارين تبليغاتينا،
ايگيدين بيلگيني، دۆزۆ، ساياغي.
ظۆلمۆن حدّتيندن زاغ - زاغ اسه رم،
دورمارام، ظاليمي گئري باسارام.
گئجه‌لر كندلره قوربان كسه رم،
اگر ايچلرينده اولسا اوياغي ...
اوچغون داخما - ص 58- قيش 1344.
