بير گۆن شاهلار شاهي شهره جارلادي:
«حؤكمۆمۆزله بۆتۆن خان - بيگلر اؤلۆر.»
بيلينديردي بيلمير بو مثلي كي:
يوغون اينجه لينجه، اينجه اۆزۆلۆر.
آ ترقي پرور يوكسك يارانميش!
فاغيرا - يوخسولا وئرديگين نه‌دير؟
خاني - اربابلاري چكدين تهرانا،
اكينچي يه تاخدين باشقا بير امير.
سؤيله‌دين ايشچي‌يه،كندلي‌يه، خلقه:
«- آنجاق تكجه منله ايشله ملي سيز.
آقا بير اولاجاق، آللاهيزدا بير،
فئودالليقدان داي قالماياجاق ايز.
گؤيلرده آللاها، يئرده ده منه،
گۆنده بير نئچه واخت باش أگه‌جكسيز.
قولدورلاريمينلا حؤ كۆملريله،
يئرلي - يئرسيز مني هي اؤيه‌جكسيز.
آللاهين كؤلگه‌سي، مولانين ألي،
عاغيللي صاحبكار، شانلي بير شاهام!
نژاديم يۆكسكدير، گؤيده گۆنشم،
من كي دارنده‌ي شوكت و جاهام!»
يوغونو اينجلتدين، گتيردين ديزه
«نيكسون» چۆن ائيله‌دين گؤزه‌ل اصلاحات!
امّا چوخ گووه‌نمه، ائليم دۆز دئسه،
سنه
گؤستره‌ره‌م آ شرفلي تات!...
اوچغون داخما - آبان آيي 1347 - ص 59.
