|
اي منيم دؤزۆملۆ دياريم، تبريز!
يئنه دروازاندا نه هاي دۆشۆبدۆر؟
دئييرلر شهيدلر كرواني گلير
كرواني قاباغا، ايچه‌ريه سۆر.
نه دن ترپنميرسن نييه دينميرسن؟
دؤزۆمۆن قلبيمين باشين دليبدير.
بيلميرديم بو گئجه آچيق سۆفره‌نه،
بير پلاك، بير آووج سۆمۆك گليبدير.
عشقين معناسيني بيليرسن البت،
عاشيقلر بئجرديب يولا ساليبسان.
دۆزگۆن سحر كروان آردينجا گلر،
گئجه ساووشا، تك سانما قاليبسان.
تبريز يوللاريندا - ص 198 - 1372 - تبريز.
|
