1371 - نجي
ايلده «تربيت معلم» مركزلري‌نين
«اوستاد نمونه»سي سئچيلديم، اما سندلر امضالانمادي.
آنا تبريز! بوگۆن، بۆتۆن اؤلكه‌ده،
«اوستادِ نمونه» سئچديلر مني.
سنين هانسي اوغلون «نمونه» دگيل؟
قوي اؤيۆم بير بئله شانلي وطني.
اؤلچدۆلر، بيچديلر، سئچديلر، امّا،
«باش رئيس»، سئچيمي تصديق ائتمه‌دي!
اونون تؤره‌تديگي كيچيك ماجرا،
اولايا چئوريلدي، چوخ تئز بيتمه‌دي.
سندلره اونون امضاسي گره‌ك،
قلمي ايشله‌مير گۆنشه ساري.
قاماشير گؤزلري گۆنه چيخاندا،
قوي سنه سؤيله‌ييم سؤزۆمۆ باري.
مني اقتدار يوخ، ملّت سئچميشدير،
غئرتيمه گؤره، علميمه گؤره.
اۆلگۆدۆر سؤيله‌ميش دۆزگۆن شيوه‌سي،
قوي گۆوه‌نسين اوغلون بونا بير كره.
تبريز يوللاريندا - ص 20.
