اهوازدا «شهيد چمران» دانيشگاهيندا
«تبريز ديلي» حاققيندا دانيشيديغيم مناسيبتيله.
ديليندن سؤز آچديم اهوازدا بوگۆن،
غرور دويا - دويا، آنا تبريزيم!
سكوتون، حئيرتين خوزستانلي‌نين،
هديه گتيرميشم سانا، تبريزيم!
قورولتاي يئري‌نين ساغ ديواريندا،
عكسيني آسميشلار بير تبريزلي‌نين.
دئديلر: «- هم يئرلين شهيد اولموشدور.»
بير آن سوسدوم، زالدا دۆشۆندۆم درين:
«- عشق اولسون اهوازدا، ديني اوغروندا،
شهادت شربتي ايچن اوغلونا.
چئوريلن حقيقي تبريز ديلينه،
ان دۆزگۆن بير يولو سئچن اوغلونا! -»
اوديلدن دانيشماق نه چتين ايشدير،
بۆتۆن ديل‌سيز‌لرين ديلي‌دير او ديل.
ياشاماق ايسته‌سن بير انسان كيمي،
اونو - بونو بوراخ، گل او ديلي بيل...
تبريز يوللاريندا - ص 24.
