وزن: فاعلاتن فعولن فعولن
قيوريليردي
عزالي ساچ ايچره
رقص
ائديردي گئجه، چئوريليردي.
گؤيدن
اولدوز سامان تك آخيردي،
كؤرپه‌لر
بير به بير يوخ اولوردو.
يئل
يئريندن قوپوب ييرغالاندي،
بير
ايپك پارچا سردي يئر اوزره.
تحفه‌سي
آعلاييش ماتم اولدو،
آرخاجي
غم يوكو، بويو غصه.
ائولري
ييخدي دپرم يوخ، آي دوست!
چيخمايير
كيمسه‌نين بير صداسي.
انساني‌دا
ديزه چؤكدوررميش،
بوردا
يوخسوللوغون ماجراسي.
كوسموش
ايدي طبيعت ائليمدن،
داغلارين
چيگنينه قان آخيردي.
بيز
ياخيندا دوروب آغلاشاركن،
ياد
اوزاقدان اوچاقلا باخيردي.
داغ
كوسوب، يئر كوسوب، گؤي كوسوبموش،
محشر
اولموشدو توپراقلار اوزره،
زلزله
گلميش ايدي دئييرلر،
دپرم
اولموشدو يايلاقلار اوزره.
يئر
ايچينده دوروب باش چيخارديب،
شيطان
ايدي بيزه چپ باخيردي.
سانكي
يئردن گؤيه داش ياغيردي
چشمه‌لر
باش يوخاري آخيردي.
يئل
وييلديردي دؤنموش اوراغا،
گول‌نهال‌لاريمي
هئي بيچيردي.
يولدا
قالميشدي يئل آتلي ممّد،
اژدها
ديرچه‌ليب قان ايچردي.
سيز
ايا قصرده اگلشنلر!
ايندي
ويرانه‌ده نئيله‌يير سيز؟
زلزله
ماجراسين گؤرركن،
بير
–
بيريزه نلر سؤيله‌يير سيز؟
من
كي حكمت ندير بيلمه‌دن هئچ،
نورونا غرق قيلديم وجودوم.
دويدوم عشقين ايچيمده صداسين،
سرّ قنديلين آچدي شهودوم.
بير آنا آغلاييردي، بئش
اوغلون
يان يانا دوزدولر قارشيسيندا
حمله ائتدي طبيعت گئجه‌يكن
تيغِ جراريميز قالدي قيندا
يوخلوغون دانه‌سين شوم بير
ال،
هر قاريش توپراق اوزره
اكيردي.
وارليغين ائوجيگين باشقا بير
كس،
بير به بير دورمادان هئي
سؤكوردي.
بير بوكولموش بئلين ماجراسي،
بير اوزولموش چيگين داستاني.
بوندان آرتيق سيزه من دئينمم،
يوخ قلم يازماق اؤترو تواني.
ورزقان ايسته‌مير دومرولو
داي،
«چيخ» دئيير، «چيخ يولون
اوستونه يئت!»
نعشيني گؤيلره توللاياندا،
سؤيله‌دي:«گيزله‌مك بسدي، چيخ
گئت!»
لاپدان ائولر ياتاركن يئر
اوزره،
داملارين چؤبلري شعله‌لندي.
بير به بير چؤكدو پالجيق
ديوارلار،
شعله‌لر ايچره توفان الندي.
بوردا آهو يئريشلي گؤزللر،
گؤرمه‌دن اوخ، شكار اولدو بير
– بير.
پارچا پارچا اولور باغلي
گؤللر
داغدي قالخير گؤيه، يئردي
تيترير.
ساچلاريني يولاركن آنالار،
گؤز ياشي ياغديرير داملا –
داملا
يئر باريشمير بو گؤز
ياشلاريله
گؤي ياغير باشينا اودلا قانلا
خور باخير ياد بيزه، شور گؤزو
وار،
هاي كويو، گل گئدي تام
يالاندير.
ظاهري خوش اونا، سن اينانما،
غوغالار ايچره غوغا سالاندير.
سن اؤلوم نامه‌سين
يوللاميشدين،
بوردا يئر تيتره‌دي قوپدو
محشر.
داغدا ايتدي بوتون
آغلاييشلار،
ائن – بويو چؤبدو پالچيق بو ائولر.
يئل ياغيشلا پيچيلداشدي
بيردن،
داغ تؤكولدو دره دولدو داشلا.
يئر آچيب آغزيني آه چكركن،
اود دا ياندي آياق ايله
باشلا.
گؤي ندن سوسغون ايميش آ تانريم!
غملريم چولقالاندي داغ اولدو.
ايللر آيلار سني ائتسه‌ده
شاد،
ائللريم چين آجي بير چاغ
اولدو.
