1378 - نجي
ايلده تبريز دانشگاهيندا بير
ياري ايل، هفته ده ايكي ساعت درس دئيه بيلديم.
تبريز دانشگاهي تسليم اولموشدو،
دئيير‌لر كي منه آييريب كلاس.
هله رسمي دعوت‌ده گؤندريبدير،
رئيسين يازديغي سؤزه قولاق آس:
«- بويور گل شهريوه، اجازه وئرديك!
ييغ طلبه‌لرين، دۀ درس اونلارا.
هجراندان، غوربتدن، وصالدان دانيش،
شاه، «گلمه!» دئدي، شاه هارا، بيز هارا؟»
آنا جان اوخودوم دعوت يازيسين،
ندنسه شكّيم وار، اينانانميرام!
قوي يئنه اويونا دۆشۆم عيبي يوخ،
من كي اويناماقدان دايانانميرام!
بيليرسن من نه ياي! نه قيش بيليرم،
قوينوندور يايلاغيم، همده آرانيم.
بوغوم بوز باغلاسين، قوي گليم بيرده،
شاختا وورسون، بلكه بركيسين جانيم.
تبريز يوللاريندا - ص 30.
