قيرخ گۆندۆر ساخلاييب بولقار پوليسي،
سۆرۆتله‌يير مني باخ هاردان هارا؟
«فيلولوق» دا دئيير آديما هله،
ديلينده لكه وار، گؤزۆنده يارا.
شهرين اورتاسيندا «تزار» هئيكلي،
«خلاصكار» آدلانير بولقار ديلينده!
بس نييه بيزانسي ديزه چؤكدۆره‌ن!
بير «وحشي» تانينير دوغما ائلينده.
سن ده كاش بيلئيدين نه اومور مندن،
بويوما اوخشايان روس دؤلۆ بولقار؟
آنا تبريزيمدن اوزاق گزمگيم،
اونا خور باخماغيم، منه عاردير، عار!
نئجه زحمتكشلر حؤكومتي دير؟
بونه سوسياليزمدير؟ آلدانما دۆزگۆن!
دگمز آقاليغا غوربت ائللري،
دايانما، يوبانما، تبريزده سۆرۆن.
تبريز
يوللاريندا - ص 49 - آبان 1362 -
صوفيا.
