فضيلت‌لر يوردو، كمال اوباسي،
قهرمانليقلارين بئشيگي، تبريز!
غئيرتين، عصمتين، سهند ذروه‌سي،
اركين، تاريخلرين كئشيگي، تبريز!
بوگۆن شيكايته سنه گلميشم،
يورولدوم، داي بسدير، ديزه چؤكدۆم من!
سندن اوزاق دۆشۆب غوربت ائللرده،
نه قده‌ر آغلاييم، سؤيله‌ييم وطن؟
دوستلاريم دئييرلر: «- مهاجرت ائت!»
كانادادان ويزا گليب آديما،
ائدينبورگ چاغيرير تدريس ائتمگه،
سانكي گلميش هامي باخ امداديما!
سنه شيكايته گلميشم، آنا!
قوي دؤنوم بير داها پاك اتگينه
جزامي وئرگيلن، دوزه‌للم بالله!
دۆزگۆنۆ حكّ ائيله صاف اۆره‌گينه...
