|
شهرين اورتاسيندان چايلاق آخارسا،
هر يئرده او شهره گؤزه‌لليك وئره‌ر.
نه‌دن بس سينه‌ندن آخان «آجي چاي»،
سنين جماليني ساغ سولا اگه‌ر؟
كيم زيبيلليك ائتدي گۆل تك سينه‌وي؟
دۆنيادا تميزليك نشاني، تبريز؟
سيله‌جگم توزو آي تك اۆزۆندن،
گؤزلۆره‌م من گلسين زاماني، تبريز!
«آجي»، زۆلال سوتك آخيب گئده‌جك،
قاييقلار اۆستۆنده لبه‌لنه‌جك.
زامان آخير ايندي دۆشمن كامينا،
گله‌جك بيزيمدير، چوخ تئز گله‌جك.
تبريز يوللاريندا - ص 57.
|
