تبريزده كسروي نوچه‌لريندن بيري‌نين آدينا.
تحقيقات ائويني قوران اگلنجه‌يه تقديم اولونور.
هر زامان گؤزۆنۆ يادلارا تيكدين،
هئچ اينانمادين سن اؤزۆنه، ناكس!
آغزينا گلن هر لافي دانيشدين،
قيمت وئرمه‌دين بير سؤزۆنه، ناكس!
كؤكۆم تبريزدندير، دئييرسن امّا،
قهرمانليقدان هئچ نشانه‌ن يوخدور.
قير وئره – قير وئره فارس دانيشيرسان
ظن ائتمه قيريوا وورولان چوخدور!
تبريز تربيونون الينه آلدين،
اريمه‌گيندنمي سؤز ائده‌جكسن؟
قارشيسيندا ايتي گؤزلريميزين،
يولسوز يوللاردامي يول گئده‌جكسن؟
تبريزدن نه قالميش سنه يادگار،
غئيرت، عفت، عصمت، يولمو؟ تقوامي؟
سۆرۆبسن آلتميش ايل اخلاق‌سيز حيات،
بوردان چيخ گئت، سني تانييير هامي!
اينانامازسان سن اؤزۆنه، اينان!
منيم چين اۆچ ساعات اولدون اگلنجه.
باشقا جۆره‌سني دگرلنديرمم،
قاباقدا ايشيم وار چوخ اينجه-اينجه...
تبريز يوللاريندا - ص64- خرداد 1380 - تبريز
