تهران و تبريزده قورولان «فصولي»
قورولتاييندا چيخيشيما مانع اولان رئيسلره.
«آقاي علسگر» امر وئرميشدير:
«اوستاد دانيشماسين فضولي اۆچۆن!»
طالعه باخ، دۆنن شاه يوخ دئييردي،
تأييد ائتمه‌ليدير علسگر بوگۆن!
خوش گلدين تهرانا فضولي بابا،
صاباح دا تبريزه يوللاناجاقسان.
توپلانيب هر يئردن سني سئونلر،
دۆنيادان، باختيندان كام آلاجاقسان.
دانيشانماسام دا، سنين حاققيندا،
دانيشمايانلاري دانيشديريرام.
بؤيۆك غلبه‌دير بو منه، بابا!
سنين‌چۆن مئيداني قيزيشديريرام.
داغيلان قاپيوا، مظلوم آديوا،
«علسگر»ي‌‌ده بيز محتاج ائيله‌ديك.
شاهلاري آييرديق تاج و تختيندن،
سني هر تاج اۆچۆن بير تاج ائيله‌ديك.
تيتره‌مه‌سين گؤرمۆش شاهلار تختي‌نين،
اودور كي قورخويا دۆشمۆش علسگر.
...
تبريز يوللاريندا - ص 88.
