تربيه‌لنديرميش مني اؤز آنام،
اوشاقليقدان، منه ناماز قيلديرميش.
«يالنيز آللاهيوين اؤنۆنده اگيل،
كيمسه‌نين اؤنۆنده اگيلمه!» دئميش.
دستناماز آلاندا هر دفعه، آنام،
دئيه‌ردي: «نوراني اولوبدور اوغلوم!»
آنام چكميش مني قرآن يولونا،
بو اولموش مكتبيم، بو اولموش يولوم.
يول دئمه‌رم سنين جيغيرينا من،
يولسوزلوغا چكن بير جيغيردير دار.
بيلميرم كي كيمدن سن امر آليرسان؟
ايلهام وئرير منه سئوگيلي دلدار.
تۆركه تۆرك دئمه‌رم، اخلاق اولمازسا،
هر تۆرك عؤمۆر بويو اخلاق گزميشدير.
بشره بخش ائتميش اخلاق نورماسي،
بونا گؤره ناكس، تۆركۆ ازميشدير.
تبريز يوللاريندا - ص 89. 1381
