سنه بسله‌ييرم ابدي نيفرت،
ملّتيمي ساتان سن اولدون يادا!
نؤكرليك ائيله‌دين شاهلار شاهينا،
تبريزي، اورمونو سن وئردين بادا.
فارسلاشما
تملين محكم‌لنديردين،
شاهين حؤكومتين مشروع ائيله‌دين،
تبريزه تعظيم ائت، اورمويا اگيل،
اردبيله
هر سؤز، يامان سؤيله‌دين.
من انقلاب ائتديم، قورولوش قوردوم،
دم وورورسان ايندي ملّت‌چيليكدن.
اوتورا بيلمرم سنله بير يئرده،
سنه اوغول دئمز نه ائل، نه وطن.
انقلاب اؤنۆنده اگيل، تسليم اول،
قودورتما اۆستۆمه فارس شوونيستين.
زامان دگيشيبدير، دؤوران دؤنۆبدۆر،
دۆشۆنمك لازمدير آزاجيق درين.
خيانت ائيله‌دين او زامان بيرجۆر،
بو زامان‌دا باشقا بير يول گئديرسن،
بو ائله اوبايا آغ ساققال چيخماز،
سن تكي خائندن، نه فيكر ائديرسن؟
يولون تاپاجاقدير گنجلري ائلين،
قوراجاقلار يئني باشقا بير دؤوران.
سني قارشيلاماز هئچ زامان تبريز،
اؤزۆنه اينانير داي، بونا اينان!
تبريز يوللاريندا - ص 90. 1380
