حسين دوزگون اؤز شعرلرينده دفعه‌لر، حبيب ساهره مراجعت ائديب و اونا
خطاب مختلف شعرلر يازيبدير. بيز چاليشيريق كي بو شعرلري بير يئره
ييغاق:
حبيب ساهره خطاب:
ائللرين باختي‌‌نين گۆلۆ آچاندا،
بورالاردا گۆنش ايشيق ساچاندا،
سعادت نغمه‌سي اوخوياجاغام،
قاراقيش عدمه ساري قاچاندا.
قيراغا چكيلسين قوي خولياليلار،
ابدي بير نفرت ساتقينا نثار.
منجه حۆرمتي يوخ هر سؤز دۆزه‌نين،
دئگيلدير كي شعرين دۆنياسي
بازار.
بيزيم سؤزلريميز يادا آجيدير،
چۆنكۆ ائل قووه‌تي، خلقين گۆجۆدۆر.
من ياخشي بيليرم سنين اليندن،
كاغيذا دامان هر شعير اينجي دير.
أن گؤزه‌لدير منيم وطنيم ساهر،
سن اولان يئرده داي نه غميم ساهر.
آرازين مسيرين دؤنده‌رجه ييك،
بو سؤزۆمه قووه ت وئر منيم ساهر.
گله‌جك دئييركي تئز گله‌جگم،
دۆزۆ دۆز پيسي‌ده پيس بيله جه گم.
خلقيمين نفرتي اولان كيمسه‌نين،
آديني تاريخدن من سيله‌جگم.
كيچيك شعرلر - ص 31 .
