آرخ ديبينده يان - يان ياتان قيزيل داشلار.
ايتيرميشه‌م دؤشۆ ساري بۆلبۆلۆمۆ
سيزه ساري اوچوب گلدي جهجه ايله
خبر وئرين تاپيم من اؤز سئوگيليمي.
قاناد چاليب، هارا اوچوب هارا واردي؟
ديله گليب دئيين منه نه اولارمي؟
خوشحال قيلين مني ايزين گؤسترمكله
اۆره‌گيمدن قويون يويوم مينلر غمي.
يان – يؤره‌زي اوزاقلاردان گؤزله‌يه‌ره‌ك.
گليب چاتديم سيزه آرتيق مين اۆميدله.
گؤزلريمدن ياييناندا ساري قوشوم
گؤرمۆش‌ايديم اونو اوخور سيزين اۆسته.
بير ديلله‌نين قيزيل داشلار منيم اۆچۆن
نئجه گلدي نئجه گئتدي ساري قوشوم؟
دئيين گؤرۆم نه اوخودو كي بير بئله
رنگيز دؤنۆب اؤزۆز اولدوز اويوم – اويوم؟
آولاديمي سيزلري‌ده بير جهجه له؟
يانغين اۆره‌ك دونوق حالت ساري بۆلبۆل؟
ساچماديسا عشقين يانار شعله‌‌سيني.
نييه بيتيب بوردا آنجاق بس ساري گول؟
كيچيك
شعرلر - ص 143 - 26 / 2 / 44 - آجي چاي.
