|
بلكه من آناسيز قالايديم
گؤزۆمدن ياشي كيم سيلردي؟
اؤيره‌ده‌ردي ساز - سؤز كيم منه
يۆكسلمگيمي كيم ديلردي؟
كيم منه بس ناغيل دئيردي
هر سحر قوشمالار قوشاردي؟
آيدين بير گله‌جكدن اؤترۆ
اوخويوب، اوخويوب جوشاردي؟
قادا منه قارشي گلنده،
كيم «قادان دوشسون اؤز جانيما
آنان اؤلسون بالا» دئيه‌ردي؟
اوندا كيم هرزمان ياناردي
منيم احواليما دۆنيادا؟
منله كيم ايچردي غم اوغون؟
منله كيم دۆشردي اودلارا؟
|
