سيرريني آچسام، كؤنۆل رۆسوا- اولار،
دۆنيادا هاي قاوزانار، غوغا اولار.
سن اگر ترك ائيله‌سن كؤنلۆم ائوين،
صاحب دۆنيا اولا، تنها اولار.
واحد و يكتا يارانميشدير ياريم،
دۆنيادا كيم ياريما همتا اولار؟
گر يارانميشلا يارادان بير اولا،
سؤيله كيم هاردا بئله سئودا اولار؟
يار اگر مندن تغافل ائتمه‌سه،
گؤرمه‌ينلر گؤز آچار، بيدار اولار.
جانيمي گل ياخما قاشقايي گؤزه‌ل،
عشق بو ياشدا منيم چۆن عار اولار!
بير داها باخسان قييا، گؤز ائيله‌سن،
بو «حسين دۆزگۆن» سنه شئيدا اولار.
قاشقايي
لوحه‌لري - ص 35 - 1377.
