|
بۆتۆن انسانلارلا كئچينمك اولار،
سنله بيلمم نه‌دن كئچيننميرم!
گذشته گئتسم ده هر كيم ايله من،
سن ايله گذشته هئچ گئده‌نميرم.
يوردوما ائليمه باغلي شاعيرم،
كؤكۆم محكم‌لنيب بو توپراقلاردا.
كؤكۆ توپراقلاردا اولان بير فيدان،
جانلانار، بؤيۆير گۆللۆ باهاردا.
توپراقدان آلميشام باهار قوخوسون،
سن بونو اليمدن آلماق ايستيرسن.
تورپاغيما منيم سن خور باخيرسان،
مني ده ديده‌رگين سالماق ايستيرسن.
تبريز يوللاريندا - ص 91. 1381
|
