گئجه ائل ياتاندا آيلا بيرليكده،
گللم ياتاغينا آكندلي گؤزه‌ل.
ايستي نفسيمي زۆيۆلده‌درم،
قيزيل ياناغينا آكندلي گؤزه‌ل.
سۆزگۆن گؤزلرينده قاليبدير گؤزۆم،
او صداقتينه قوربانام اؤزۆم.
قولاق آس واريمدير گيزلي بير سؤزۆم،
دئييم قولاغينا آكندلي گؤزه‌ل.
كندلردنده مني قاوسالار بئله،
تامام وارليغيمي وئرسه‌لريئله.
آلجاق بيرجه فۆرصت يئنه ده اله،
گللم سوراغينا آكندلي گؤزه‌ل.
بوگئجه آتلانيب من گئده‌جگم،
آيدينليقدا گؤزۆندن ايته‌جگم.
خيناياخ، بو گئجه قان ائده‌جگم،
سۆتۆل آياغينا آكندلي گؤزه‌ل.
گئجه‌يه اوخشايير قارا زۆلفلرين،
گئجه‌نين ايچينده سيرر ياتار درين.
دئينه تؤكسۆن يئره دولانسين يئيين،
اودلو داراغينا آكندلي گؤزه‌ل.
قولدورلار آلديلار جانين دۆزگۆنۆن،
قوردلارا وئرديلر قانين دۆزگۆنۆن.
نييه ترك ائيله‌دين يانين دۆزگۆنۆن،
قوربان دوداغينا آكندلي گؤزه‌ل
كيچيك شعرلر - 17 بهمن 45.
