|
آنا!
گئيدين كفن اوغلونلا بيرليكده،
گئديب سنگرده ياتدين قيش گۆنۆنده شانلي تبريزده.
دئدين:
«- گئتسين بۆتۆن شاهلار،
عدالت بايراغي گؤيلرده يوكسلسين.
امام گلسين!
امام گلسين!»
دۆشنده يئرلره شمشاد قدّدي اوغلوون، بيردن
دئدين:
«- جلاّد وور من‌ده اؤلۆم گؤرسۆن وطن!»
ووردو، سني جلاّد قارشيندان.
ييخيلدين اوغلوون يانيندا جان وئردين.
او دمده اردبيلده
آداش اوغلونلا بير عسكر
ووروب سالدي يئره فرماندهي،
جلّادي بير آندا
اؤزۆن‌ده سونرا اؤلدۆردۆ.
سني اؤيدۆ
سنه فخر ائيله‌دي
«شهر مقدس»ده ياتان عسكر.
منيم گؤز ياشلاريم دورمور
آنا!
اي «بورلا خاتون» يادگاري!
اي «هجر» نسلي!
يئنه قارشيندا
بير اوغلون
دوروب، اما اوتانير چوخ
هاني شاعير
هاني رسّام
هاني خواننده‌لر گلسين
سنين شأنينده قالخيب گؤز ياشيله لوحه‌لر وئرسين؟
اردبيل
لوحه‌لري - 1357 - ص 24 .
|
