ائل نيسگيلي- EL NİSGİLİ

دكتر حسين محمدزاده صديق (دوزگون)ون توركجه شعرلريني و ادبي يازيلاريني درج ائده‌جه‌ييك.

اَهَه! . . .

بؤلوم : خزه للر

اهه!

لوس آنجلس،

        مالمو،

             گوته‌بورگ!

بسدير داها.

گؤزلريمه يوخو گلمير منيم هئچ

آغلاماقدان هولو كيمي اولوبلار!

سن نييه ياتميرسان؟

 

او گؤزل قيرميزي گئييملي قيزيم

او كؤرپه بالام!

گونشلي يازيم!

- ائلنازي دئييرم-

اللريم اوستونده اؤلنده،

اهه!

هارا گؤنده‌ريرسن مني سن يئنه؟

بير باخ آياقلاريما

يورولدوم والله

بسدير داها!

 

سنين سوسغون دوداقلارين،

منيم هولو كيمي گؤزلريم

بيرده كؤرپه‌ اوشاغيم!

اهه!


یازار : سيد احسان پنجشنبه 5 مرداد 1391 | باخیش لار (0)

توركمن قيزي

بؤلوم : خزه للر

گؤروره‌م آتيني ياواش سورورسن

باشينا شاليني سالميرسان داها

آ توركمن قيزي!

گل اؤز غرورونلا

يايي ‌دا

        قيشي دا

             تسخير ائيله‌گيل

قوي شؤوقون بوروسون گؤلون اؤزونو

سولار اوسته اگيل

آ توركمن قيزي!

 

آق قالا كؤكسومون بير جاناغيدير

سنين دادلي سؤزون اوره‌ك – ياغيدير.

آ توركمن قيزي!

 

ياغي آتين چاپير دره‌ده دوزده

نييه آغلير سنين بيريجيك كؤرپه‌ن؟

گؤروره‌م آتيني ياواش سورورسن

باشينا شاليني سالميرسان داها!

آ توركمن قيزي!


یازار : سيد احسان پنجشنبه 5 مرداد 1391 | باخیش لار (0)

دام دادام!

بؤلوم : خزه للر

دا دا دا،

دام دادام!

دا دام،

دام دادام!

 

دا دا دا،

دام دادام!

دا دام،

دام دادام!

 

ظولمون اؤركه‌نيني قيراجاغام من،

دا دام،

دام دادام!

 

آيدين گله‌جگه چيخاجاغام من،

دا دام،

دام دادام!

 

ايشيقلي دونياني گؤره‌جه‌گم من

دا دام،

دام دادام!

 

آزادجا شن عؤمور سوره‌جگم من

دا دام،

دام دادام!


یازار : سيد احسان پنجشنبه 5 مرداد 1391 | باخیش لار (0)

دان يئري

بؤلوم : خزه للر

سنين اوچون دان يئري وارسا

منه بورج وئر اونو

والله

- آند ايچيرم –

سنه لاپ ساليم قايتارارام.

نييه قيسقانيرسان؟

قارانليق دونيادا قالميشام ايللر

باشيمين اوستوندن اسيب ساووشوب

                   سام يئللر

دان يئريني هامي گؤستردي منه

آمما كيمسه

        هاني؟

             وئرمه‌دي كي!

سنين اوچون دان يئري وارسا

منه بورج وئر اونو!

 

ياديندامي نئجه سرخوش ايديك بيز

دان يئري هوه‌سيله

آتلانيرديق هرگون،

اويناييرديق هرگون،

يئنه مئيليم واردير،

هوه‌سيم واردير،

قورومادي عشقيم.

 

سنين اوچون بيرجه

             دان يئري وارسا

منه بورج وئر اونو

قوي من‌ده سيناييم

دان يئريني،

دان يئريني . . .

آ . . . ه!


یازار : سيد احسان پنجشنبه 5 مرداد 1391 | باخیش لار (0)

سؤز وئرميشدين

بؤلوم : خزه للر

منله سن گؤزه‌ليم پئيمان ائتميشدين،

منه سؤز وئرميشدين.

بس نه اولدو عهدين؟

نييه سينديردين اؤز عهد و پئيمانين؟

 

گل اؤز يايليغينلا

گؤز ياشيمي سيل

اولدوزلار گؤيلردن دوشه‌جك

                   اينان!

بير- بير ساللاناجاق كالاغاييندان.

 

ايللردير ياغيشا سؤز وئرميشم كي

بسله‌يم اكديگيم گول نهاللاريم

گل گؤر نئجه ياغيش دؤيور باشيما.

 

نييه سينديردين اؤز عهد و پئيمانين؟

نه دئييم ياغيشا؟

عهد و پئيمانيوا نه سؤز سؤيله‌ييم؟

 

منله سن گؤزه‌ليم پئيمان ائتميشدين،

منه سؤز وئرميشدين . . .


یازار : سيد احسان پنجشنبه 5 مرداد 1391 | باخیش لار (0)

يول يولداشي

بؤلوم : خزه للر

سؤيله

گؤردوكلرين، بيلديكلرينه،

سؤيله كي سئويرسن،

        سئويرسن مني

گل يول يولداشي اول

دنيزه چاتاق.

بيز اوزون يوللارين يولچوسويوق

                   باخ!

نه اولدو؟

نييه بس اوزاقدا قالدين.

آتلان گل!

هاميني آتلانديرارام

هامي‌نين الينه سيلاح وئره‌رم.

 

گل منه ساري

گل سني گؤزله‌يير قارا باليقلار.

سؤيله گؤردوكلرين

        بيلديكلرينه

سؤيله كي سئويرسن،

        سئويرسن مني.

من قالخيب اوجاليب.

        چينار اولموشام

گل يول يولداشيم اول

دنيزه چاتاق.


یازار : سيد احسان پنجشنبه 5 مرداد 1391 | باخیش لار (0)

دايان

بؤلوم : خزه للر

من سني سئويرم

نه قده‌ر بو گئجه گؤزه‌للـه‌شيبسن

اوتورما گؤزه‌ليم

        اوتورما بير آن

بير داها دور گل!

 

بير بئشه،

بئش بيره!

دايان! داريخما!

 

اونلارين الينده تانك وار، توپ وار،

             گوللـه وار، مرمي وار . . .

آمما سن نه قده‌ر گؤزه‌للـه‌شيبسن

بير داها دايان!

        دايان،

        دايان، داريخما!

 

بير داها توپلاناق

بير داها داياناق

قاچماياق،

داياناق

 

من سني سئويرم

دنيزده آي كيمي.

سنه ساري آخيرام

بولودون آرديندان

نه كم باخيرسان

گل منيم هاييما

بير داها داياناق

بير داها توپلاناق

قاچماياق،

        داياناق!

             داياناق!

                   داياناق!

 

نه قده‌ر بو گئجه گؤزه‌للـه‌شيبسن

اوتورما بير آن . . .

 

2/3/1386


یازار : سيد احسان پنجشنبه 5 مرداد 1391 | باخیش لار (0)

چايلاق

بؤلوم : خزه للر

چايلار آخماجا اولور.

آخماجا آخير،

قايالار دوروب ديك باخير.

 

منيم اسراريمي آخماجا بيلير

او، چايلاقلاري يووب گتيرير.

 

سني چايلاقلاردا من بسله‌ميشم

عشقيمي چايلاقلا

             دفن ائيله‌ميشم.

 

اسراريم چايلارين آلتيندا قاليب.

چايلار آخماجايا دؤننده گؤزل.

سن منيم سيرريمي

             آخماجادا گؤر.

 

آخماجا قوروماز

        چاي آخار دائيم.


یازار : سيد احسان پنجشنبه 5 مرداد 1391 | باخیش لار (0)

يالان

بؤلوم : خزه للر

سنه يالان دئديم

بس سن نييه ايناندين؟

يالانسيزدا ياشايا بيله‌رديك

دونيانين ان خوشبخت وارليغي كيمي!

 

سني من

يئني دونيالارا چاغيرديم

حله ايجاد ائتمه‌ديگيميز بير دونيايا!

دئديم:« خطر ائده‌ك

        بؤيوك ايش گؤره‌ك

يئني بير دونيا گل ايجاد ائده‌ك

ايشيق بير دونيا،

        ايشيقلي دونيا

ظولمدن فساددان اثرسيز دونيا!»

 

سنه يالان دئديم،

        يالان!

يالانسيزدا ياشايا بيلرديك

دونيانين ان خوشبخت وارليغي كيمي!


یازار : سيد احسان پنجشنبه 5 مرداد 1391 | باخیش لار (0)

دنيز قيراغي

بؤلوم : خزه للر

منيم وحشي عشقيم

چؤللري آرخادا قويدو،

        دنيزه ساري آخدي گؤزه‌ل

سني من رؤيالاريمدا گزديرديم

خيالدا جانلانديرديم.

سونبوللو زميلري اؤتدوم

داغدان

        يالدان

قايادان كئچديم.

بيچينچيلرين تري ايله ايسلانديم

يايلاقلاردان چؤللره

        دوشدوم.

 

منيم وحشي عشقيم

        چؤللري آرخادا قويدو

             دنيزه ساري آخدي گؤزه‌ل

ايندي باليق قولاغي ييغيرام، گؤزه‌ل!

دنيزين قيراغيندا

سني خياليمدا جانلانديريرام.


یازار : سيد احسان پنجشنبه 5 مرداد 1391 | باخیش لار (0)

دوغو كرواني

بؤلوم : خزه للر

دوغو كرواني!

تئز اول،

مني بوردان گل آپار،

گل آپار

        اوزاق يولا.

گؤم گؤي او

        ياشيل داغا.

يار كنده

        كاشغره،

گل آپار اوزاق يولا.

 

دوغو كرواني!

تئز اول!

مني آلتون قايالار

گؤزله‌ييرلر،

يئيين اول!

 

باجارارسان بيليرم.

دوغو كرواني

تئز اول!

 

2/ 8 / 1387


یازار : سيد احسان پنجشنبه 5 مرداد 1391 | باخیش لار (0)

دورما دئدي‌!

بؤلوم : گرايليلار

دئديم: سني سئويرم من،

كنديميزده قالما، دئدي.

دئديم: خوشدور بوگؤي چيمن،

بوردا اوبا سالما، دئدي.

 

دئديم: سيناقدان چيخارام،

دئدي: من‌ده وفادارام.

دئديم: شهره آپارارام،

اوندا مني آلما، دئدي.

 

دئديم: شهره اود باغلارام،

دئدي: داها من ديغلارام!

دئديم: سنسيز من آغلارام،

اوره‌گيمي چالما، دئدي.

 

دئديم: دۀ بير نه‌دير چارام؟

دئدي: من بير كندلي يارام.

دئديم: سندن آيريلمارام!

بئله فيكره دالما، دئدي!

 

دئديم: گل بس بير باش قاچاق،

دئدي: يول چوخ، قولدور اوياق.

دئديم: ائلدير بيزه داياق.

گؤزله ناغيل اولما، دئدي‌‌‌.

 

دئديم: ائلي اويادارام،

دئدي: كس بو ديلي بالام.

دئديم: زورلو اولوب اوبام،

ائله‌ده بس دورما، دئدي‌‌‌.

كيچيك شعرلر - ص  124 - 17 بهمن خنيه .


یازار : سيد احسان چهارشنبه 4 مرداد 1391 | باخیش لار (1)

نشيده

بؤلوم : گرايليلار

زنگان‌‌‌، ابهر‌‌‌، اي خيلقتين‌‌‌،

سئوينج دولو نشيده[1]سي‌!

ائللريمين محروم قالان،

نيسگيل ساچان جريده‌‌سي‌!

 

كيم دئيير تاريخين يوخدور‌؟

ذيروه‌‌سي سن تاريخلرين‌‌‌.

يئددي مين ايل مكان اولموش

باياتلارا هر بير يئرين‌‌‌.

 

حكمت قاني جاري ائده‌ن،

اوره‌گي‌سن‌‌‌، سن ايرانين.

شاماتي‌‌‌، مصري سئير ائده‌ن،

گؤزوسن آذربايجانين‌‌‌.

زنگان لوحه‌لري - ص  14 .



[1]  نشيده: مقدس سرودلارين شاه بيتي، شعرين ان گؤزه‌ل مصراعي‌‌‌.


یازار : سيد احسان چهارشنبه 4 مرداد 1391 | باخیش لار (0)

گزديم

بؤلوم : گرايليلار

عؤمرومون ايلك باهاريندا،

چيخديم گوللو باغي گزديم.

تاپانماديم سئوگيليمي،

سولو گزديم - ساغي گزديم.

 

حياتيمدا بولبول اؤترو،

عشوه ساتان بير گول اؤترو.

وطنيم اؤترو، ائل اؤترو،

شاد-شاد اولدوم ساقي گزديم.

 

غمه وئرمك آرا اوچون،

درتلريمه چارا اوچون.

بير اوره‌گي يارا اوچون ،

مين دره‌ني - داغي گزديم.

 

اولدوم دوشمني ظولمتين،

بير وورغونو طبيعتين.

باخچاسيني محبتين،

عؤمرومون خوش چاغي گزديم.

 

سئير ائده‌نده‌‌‌ ايلك باهاري،

گؤرجك ايترديم شوخ ياري،

دوزگون دئيير:«بير گول ساري،

باشدان باشا باغي گزديم!»

اوچغون داخما - 12 / 2 / 46 - ص 50.


یازار : سيد احسان چهارشنبه 4 مرداد 1391 | باخیش لار (0)

دوزلر

بؤلوم : گرايليلار

مين ديل ايله كئچميشلردن،

اي وئره‌ن مين خبر، دوزلر!

منه دئيين دونيا بويو،

نه‌لر گؤردوز، نه‌لر دوزلر؟

 

داي اوره‌گيم اولوب شان – شان،

دونيا دؤنوب، سانكي زندان.

دويموشام من ياشاييشدان،

حياتدا يوخ ثمر دوزلر.

 

ظاليم قالير دوز تاختيندا،

خلقين آچمير گول باختيندا.

حياتين ان خوش واختيندا،

بوردا اؤلور هنر دوزلر.

 

قوجاغيزي آچين يارا،

گلن واردير باختي قارا.

اعتبار يوخ دونيالارا،

عؤمورده يوخ به‌هر دوزلر.

اوچغون داخما - 12 / 2 / 43 - ص 49.


یازار : سيد احسان چهارشنبه 4 مرداد 1391 | باخیش لار (0)

من سيد احسان، «حسين دوزگون»ون شعرلري و ادبياتي يازيلاري و اونون باره سينده اولان شعرلري و ادبي يازيلاري بو وبلاقدا سيزه سوناجاغام. اوميد ائديريم لذت آپاراسيز.
يوخاريداكي عكس، شاعر حسين دوزگونون ان يئني عكسيدير (1391).

آنا یارپاق

آرشیو

وبلاگ دوم اشعار استاد دكتر صديق

ایلگی

آختاریش

بؤلوم لر

گرايليلار (37)

سربست شعرلر (23)

خزه للر (42)

قوشمالار (103)

غزللر (24)

منظومه لر (14)

مثنويلر (5)

قوشا بئيتلر (6)

ديوانيلر (9)

قطعه لر (8)

دوزگونه خطاب شعرلر (25)

نظرلر و مقاله لر (13)

«احسان»ين تضمينلري (5)

«احسان»ين اوستادا خطاب شعرلري (9)

قاشقايي لوحه‌لري (5)

ترجيع‌بند (1)

بئشليكلر (3)

Hüseyin Düzgün şiirleri (23)

حبيب ساهر ايله علاقه‌دار شعرلر (4)

گالري تصاوير و عكسها (2)

دوققوزلوقلار (1)

ورزقان مجموعه‌سي (13)

كيتابلار (2)

یولداش لار

işıqlara doğru qaranlığlardan keç

Insanliq

وحشي نيسگيل لر

Damjiliqla-an

Serçə2012

اردبيل لوحه لري Ərdəbil Lövhələri

سولدوزلو

خوي هاراي: شعر و داستان تركي

çevirmən

ايران ترك: نام آوران جهان ترك

بئيزيم ائيلين گوزه ل دئيلي

سون یازیلار

«تورپاق قوخوسو» نشر اولدو

نشر كتاب «ايلك سفر» حبيب ساهر با ترجمه منظوم حسين دوزگون

مجموعه شعر «ورزقان» انتشار يافت

كيمي وار؟ - حسين دوزگونون شعرلري

قورخما - حسين دوزگونون شعرلري

هشيار اول- حسين دوزگونون شعرلري

آشناسيز- حسين دوزگونون شعرلري

آمان اركيم سؤكۆلۆر

اوغول - حسين دوزگونون شعرلري

باتي ايتي- حسين دوزگونون شعرلري

هيمّت - حسين دوزگونون شعرلري

پيغمبر نعتي

دۆنن، بوگۆن، صاباح

قيرميزي گۆل

وباللي آتيم

سحر ترانه‌لري

قو قوشو

گؤلچه

ائل قيزي

آذربايجانلي شهيد

ساكينله‌شيرم

يالواريش

يالنيز مني!

آلنيمين قيريشلاري

فاصله

شعرين قارتالي - دكتر حسين محمدزاده صديقين شعرلري

دئييرم - حسين دوزگونون شعرلري

قويما گئتسين زنگاني - حسين دوزگونون شعرلري

منيم اسلام دينيم - حسين دوزگونون شعرلري

خيال پيلوو - حسين دوزگونون شعرلري

آرشيو

تير 1393

خرداد 1393

بهمن 1392

آذر 1392

مرداد 1392

تير 1392

خرداد 1392

اسفند 1391

بهمن 1391

دى 1391

آذر 1391

آبان 1391

مهر 1391

شهريور 1391

مرداد 1391

باغلانتی لار

دوستداران دكترح.م. صديق

ائلدار تبريزلي

يوردوموز

آجيان يارا

انجمن شاعران هشتجين

خانه شاعران تبريز

توركجه شعرلر

سئوگي دونياسي

تبريزيم

سايت اجتماعي كاغذكنان

شاعران اهر

آذيورد

كولتورل آذربايجان

دوشرگه

ايشيق (ادبيات و اينجه صنعت سايتي)

دوشونجه

www.duzgun.ir

خانه شعر تركي

وبلاگ دوم اشعار حسين دوزگون

ائل نيسگيلي 2

دالغا

ليلا ابراهيمي

انسانليق

سایغاج

ایندی بلاق دا :
بو گونون گؤروشو :
دونه نین گؤروشو :
بو آیین گؤروشو :
بوتون گؤروش لر :
یازی لار :
باخیش لار :
یئنیله مه چاغی :

ایمکان لار

RSS 2.0