قايانين ديييندن چشمه گۆلنده،

شلاله، ياماجي ايكي بؤلنده

گؤيلرده جانلانير منيم ترانه‌م

بوردادير آشيانه‌م

بوردادير خانه‌م.

سؤيۆدلر، سؤيۆدلر، آمان سؤيۆدلر،

گؤيلرين ايشيغين، نورون ايچيرسيز.

ياپراقدان آسلاندي گؤز ياشي كيمي

قو قوشو اؤلركن،

بيرداملا شبنم.

قارانقوشلار دؤنجك يووالارينا

آوازي داغيلدي گؤيۆن اۆزۆنه

عالمدير قو قوشو آوازي، عالم!

ياغيش ياغدي گؤيدن،

اكين يئريم بۆتۆن داشليق،

سنين وجودوندا آخان سؤزۆم وار،

او بلور بوينوندا حله گؤزۆم وار،

داملا- داملا سؤزۆم غزل اولاجاق

آخاجان اۆستونه بير چايلاق كيمي

ووراجاق قيراغا گلن هر كيمي

ايچينه سيزاجاق سوتك، دولاجاق

سنين الهاميني من وئره‌جكم.

كفنين قانلا بولاشميشدي سنين

                             قانلي شهيد!

اينامين قلّه‌سينه يۆكسلن

                   ايمانلي شهيد!

شاهلارين اركانينا ولوله سالميشدي قانين

باخ بوقان درياسينا

                   دالغالي توفانلي شهيد!

داها ساكيتله‌شيرم،

آرام اولورام

او قده‌ر دنيالار گزديكدن سونرا.

دالغالي فيرتينالاردا،

روحومو اۆزدۆكدن سونرا.

داها ساكينله‌شيرم

فيرتينا قورتارميش،

توفان قورتاميش

بو قده‌ر داغ دره ازديكدن سونرا.

داملايام من،

سن ايسه درياسان!

يالتيزام،

بي‌كسم،

عجب تنها

قالميشام

يول‌دا يوخ سنه ساري.

اللريم گؤيده‌دير دعالاردا

من سنه آي قيز

-يوخ-

باخميرام!

باخماقدان داها درين

داها ايتي بير شئي‌ده وار

دلر كئچر روحونا

ائله يئيين كئچر

نفسين دايانار،

- 1-

گؤز گۆيه باخجاغين دانيشدي منلن،

دئدي:

«- باخ! آلنيوا قيريش دۆشۆبدۆر!

بونو ائشيتجه‌گين

قيريشلار چوخالدي،

توتولدوم،

دالغين، دالغين.

-2-

گۆزگۆنۆن سؤزۆنه بير آز دۆشۆنجك