قرينه‌لر غمين اۆره‌گينه ساليب اوتان‌‌‌،

جبهه ياران شهيد‌لرين شهري سن‌‌‌،

اؤن خط قيران شهيد‌لرين شهري‌سن‌‌‌.

سن زنگان‌سان قلبيمه جان‌‌‌،

باشي اوجا آذربايجان دياريسان‌‌‌.

شهيد‌لري‌نين قارشيسيندا‌‌‌،

اوتانيرام من‌‌‌.

اوتاناجاق اوولاديم دا‌‌‌،

نوه‌لريم‌ده‌‌‌.

گله‌جك نسيللرده،

آيلاردا‌‌‌،

ايللرده‌‌‌...

زنگان لوحه‌لري - ص  13 – 1377.

كنديميزده قالما، دئدي.

دئديم: خوشدور بوگؤي چيمن،

بوردا اوبا سالما، دئدي.

دئديم: سيناقدان چيخارام،

دئدي: من‌ده وفادارام.

دئديم: شهره آپارارام،

اوندا مني آلما، دئدي.

دئديم: شهره اود باغلارام،

دئدي: داها من ديغلارام!

دئديم: سنسيز من آغلارام،

اۆره‌گيمي چالما، دئدي.

سئوينج دولو نشيده[1]سي‌!

ائللريمين محروم قالان،

نيسگيل ساچان جريده‌‌سي‌!

كيم دئيير تاريخين يوخدور‌؟

ذيروه‌‌سي سن تاريخلرين‌‌‌.

يئددي مين ايل مكان اولموش

باياتلارا هر بير يئرين‌‌‌.

حكمت قاني جاري ائده‌ن،

اۆره‌گي‌سن‌‌‌، سن ايرانين.

شاماتي‌‌‌، مصري سئير ائده‌ن،

گؤزۆسن آذربايجانين‌‌‌.

زنگان لوحه‌لري - ص  14 .

چيخديم گۆللۆ باغي گزديم.

تاپانماديم سئوگيليمي،

سولو گزديم - ساغي گزديم.

حياتيمدا بۆلبۆل اؤترۆ،

عشوه ساتان بير گۆل اؤترۆ.

وطنيم اؤترۆ، ائل اؤترۆ،

شاد-شاد اولدوم ساقي گزديم.

قويما بوردا غملي قاليم، آي گؤزه‌ل!

اگر مني ايسته‌ييرسن‌‌‌، سئويرسن،

گل يانيما سني آليم، آي گؤزه‌ل!

خوشالام كي دۆشمنيوي ازميشم،

ساچلارينا يوخودا گۆل دۆزمۆشم.

سندن اؤترۆ داغ دره‌لر گزميشم،

دؤن باخ منه شوخ ماراليم، آي گؤزه‌ل!

گللم ياتاغينا آكندلي گؤزه‌ل.

ايستي نفسيمي زۆيۆلده‌درم،

قيزيل ياناغينا آكندلي گؤزه‌ل.

سۆزگۆن گؤزلرينده قاليبدير گؤزۆم،

او صداقتينه قوربانام اؤزۆم.

قولاق آس واريمدير گيزلي بير سؤزۆم،

دئييم قولاغينا آكندلي گؤزه‌ل‌‌‌.

سنله بيلمم نه‌دن كئچيننميرم!

گذشته گئتسم ده هر كيم ايله من،

سن ايله گذشته هئچ گئده‌نميرم.

يوردوما ائليمه باغلي شاعيرم،

كؤكۆم محكم‌لنيب بو توپراقلاردا.

كؤكۆ توپراقلاردا اولان بير فيدان،

جانلانار، بؤيۆير گۆللۆ باهاردا.

توپراقدان آلميشام باهار قوخوسون،

سن بونو اليمدن آلماق ايستيرسن.

تورپاغيما منيم سن خور باخيرسان،

مني ده ديده‌رگين سالماق ايستيرسن.

تبريز يوللاريندا - ص 91. 1381

دۆنيادا هاي قاوزانار‌‌‌، غوغا اولار‌‌‌.

سن اگر ترك ائيله‌سن كؤنلۆم ائوين‌‌‌،

صاحب دۆنيا اولا‌‌‌، تنها اولار‌‌‌.

واحد و يكتا يارانميشدير ياريم‌‌‌،

دۆنيادا كيم ياريما همتا اولار‌؟

گر يارانميشلا يارادان بير اولا‌‌‌،

سؤيله كيم هاردا بئله سئودا اولار‌؟

گؤزۆمدن ياشي كيم سيلردي؟

اؤيره‌ده‌ردي ساز - سؤز كيم منه

يۆكسلمگيمي كيم ديلردي؟

كيم منه بس ناغيل دئيردي

هر سحر قوشمالار قوشاردي؟

شيرهاشيرلا آخيشيردي ائنلي چايلاق ايچيله.

قيراغيندا قالخان لاله‌‌‌، جور به جوره چيچك‌لر.

موج قالديريب تاتلي بوسه وئريرديلر بير – بيره.

دورو گؤيۆن اۆزه‌رينده پارلاييردي آل گۆنش،

سۆزۆشۆردۆ بير نئچه ده آغجا بولوت يان – يانا.

گؤستريردي بير دوروگؤل ماوي گؤيۆن مۆلكۆنۆ، 

سلطه تاپميش قيزيل گۆنش بئله گؤمگؤي آسمانا.

ايتيرميشه‌م دؤشۆ ساري بۆلبۆلۆمۆ

سيزه ساري اوچوب گلدي جهجه ايله

خبر وئرين تاپيم من اؤز سئوگيليمي‌‌‌.

قاناد چاليب‌‌‌، هارا اوچوب هارا واردي‌؟

ديله گليب دئيين منه نه اولارمي‌؟

خوشحال قيلين مني ايزين گؤسترمكله

اۆره‌گيمدن قويون يويوم مينلر غمي‌‌‌.

«‌‌سهند»‌ هفته‌ليگي‌نين امكداشي

«‌‌فاضيل ميرخاني»‌نين اؤلۆمۆ مناسيبتيله.

سالخيم - سالخيم اۆزۆملر

ساللاناندا ديواردان،

گۆنشين توتقون ايشيلتيسيندا،

اۆره‌گيمه هيجريندن بير داملا هوپدو؛

اۆره‌ك آغريسي‌نين نه اولدوغون بيلديم.

اۆره‌گيوين آغريسي،

مني يئريندن ترپتدي.

دۆنيالارجا دويغو يئرلشيرميش اۆره‌گينده،

بعضا باخيشلارينلا سن دانيشيردين!

جانلانير گؤزۆمده معلم‌لريم.

«‌‌حكمت مدرسه‌سي»‌، «‌‌لقمان»‌، «‌‌فيوضات»‌،

«‌‌دانشسرا»‌ گلير خيال ائوينه.

منه غرور وئرير بو آد، بو حيات،

اؤزۆمۆ تبريزلي كيمي گؤره‌نده.

كيتابخانا‌سيندا «تربيت»ين من،

گؤرۆره‌م اوتوروب «‌‌امير شقاقي»‌.

سهند، اي يۆز مين ايللر قبله‌گاهي، اي اولو معبد!

سينه‌نده لاله‌لر بيتميش،

سولار آخميش، سئل آتلانميش،

بوروقلاريندا آهولار جيلولانميش،

بير چوخو ايتميش.

آنالار ياسا باتميش، درده قانلانميش،

چادرلار، ائولر اودلانميش.