«‌‌حؤكمۆمۆزله بۆتۆن خان - بيگلر اؤلۆر.»‌

بيلينديردي بيلمير بو مثلي كي:

يوغون اينجه لينجه، اينجه اۆزۆلۆر.

آ ترقي پرور يوكسك يارانميش!

فاغيرا - يوخسولا وئرديگين نه‌دير؟

خاني - اربابلاري چكدين تهرانا،

اكينچي يه تاخدين باشقا بير امير.

سؤيله‌دين ايشچي‌يه،كندلي‌يه، خلقه:

«‌‌- آنجاق تكجه منله ايشله ملي سيز.

آقا بير اولاجاق، آللاهيزدا بير،

فئودالليقدان داي قالماياجاق ايز.

گۆللرين ايچيندن دور يول آلاغي.

ساياق اول، زه‌هه‌رلي ياغيش أسيبدير،

محو ائده‌ر اينديجه بوستاني - باغي.

آييل، قيزيل گۆللر بير - بير سولوبدور،

بوتالارا آجي تيكان دولوبدور.

ايسته گيم-ديله گيم باخ كي اولوبدور،

گؤزه‌ل اگلنجه‌سي، يادلار اويناغي.

خوش گلدين دۆنيايا ياشاريم منيم.

وطنين بو آغير قانلي آييندا،

چاتارسانمي هايا ياشاريم منيم؟

قوي بۆتۆن آنالار اوغول دوغاندا،

اۆميدلرله دولو «‌‌ياشار»‌ سؤيله‌سين.

قهرمان اوغلونو اونودماز وطن،

گله‌جك سنيندير آياشار، سنين.

گله‌جكله منيم اوزون ايللردير،

واريمدير بير قيزيل عهد و پيمانيم.

قانيملا يازميشام كؤنلۆم اوجوندا،

نيسگيليم، آمانيم، كؤنلۆم، ايمانيم.

ازيلميش كۆتله‌نين سن ديله گي سن.

مظلوم انسانلارين كسگين بير ديلي،

ايشيق اۆره‌كلرين شن چيچه گي سن.

ظۆلم تاپداغي‌نين غملي آهي‌نين،

تؤره‌ين باريسان، اونلاردان دانيش.

سن جمعيتين بير گؤره‌ر گؤزۆ تك،

تاريخين بزه‌گي انساندان دانيش.

دينله گؤر نئجه خوش صدالييام من.

زردۆشتۆن يوردونون اودلو چيچگي،

طبيعتين پارلاق جمالييام من.

سنيندير اۆره‌گيم، سنيندير جانيم،

ازلدن سنينله قايناييب قانيم.

سنين دوستلوغوندور عزّتيم شانيم،

منه التفات ائت، وفالييام من.

يولونا تيكميشم وورغون گؤزۆمۆ!

سنه قربان وئرره‌م اينان اؤزۆمۆ؟

محبت آختارسان، ايزله سؤزۆمۆ،

دوستلوغون باشليجا مقالييام من.

آجي - آجي بوردا ائشيتديم، حريف!

غم ايله يوغرولموش منيم خميره‌م،

بونو بيلمه‌ييرسن، صد افسوس، حييف!

ائشيتديم يير يازيق شب‌پره كيمي،

گۆنشين اۆستۆنه هجوم ائديرسن،

منه آنلاتديلار چاشيب جاييبسان،

يئنه اگري - أوگري بير يول گئديرسن.