|
ايتدي منيم نئچه شعر دفتريم
بيرين قاپدي قاچدي «صالح حسيني»،
ايكيسين «محمد آزادگر»
اليمدن آلدي.
بو ايسه، هاميسي دگيل،
بير نئچه‌سي‌ده
زنداندا قالدي.
«قالادان قالايا»
«هاني بس يولداشين اؤردك»
شعر دفترلريم . . .
اوره‌گيمدن آخان قان داملالاري
كاغاذ اوسته سيزان
ديلك مينجيقلاريم.
وطنده وطنسيز اولاندا آدام
البته، شعري‌ده ايتر.
همده، دوستوم!
تنها قالاندا آدام،
باشينا چوخ ايش گلر.
آمما من بير گئجه آنلاناجاغام.
ياغيشلي مئشه‌ده آت سوره‌جگم.
گل بير آز
آت سوره‌ك
مئشه‌دن دريايا ساري
بلكه رؤيالاردا
تاپديم ايتيگيم
شعر دفترلريم.
آتا،
ايتگين اوغلانلارين تاپديغي كيمي،
من‌ده تاپايديم كاش:
«قارا گؤزلرين»،
«شاهسون قيزي»،
«قارا گئجه‌لر»،
عنوانلي
شعرلريمي.
آرديني اوخو
|
