Rəngin oldu sarı bülbül,

Qəlbin zalım qış avladı,

Gəl ağlama barı bülbül.

Köksündə odlandı ürək,

Gülünc olur burda istək.

Hanı keçmiş zamanlar tək –

Baxçaların bari bülbül.

Niyə seçdin sən zülməti,

Qəbul eylədin zilləti?

Bilmirdin bu həqiqəti,

Qışın olmaz ari bülbül?

Qara bulud yan gedəcək,

Qəhramanlar qan edəcək.

Gün dağdan qalxıb gələcək.

Əridəcək qarı bülbül.

Aşıq tərpədəcək sazı,

Qaldıracaq xoş avazi.

Görəcəksən yayı yazı,

Öyəcəksən yarı bülbül.

Bilirəm axir yaz gələr,

Günəş yerə nur sərpələr.

Yenə güllər işvə eylər,

Eyləmə çox zarı bülbül.

Girrik qızıl gül bağına,

Bənövşələr oylağına.

Yetər yarın qulağına,

Sən sızıldat tarı bülbül.

Düzgün deyir dönəcək il,

Yanağından qan–yaşı sil.

Sazı götür aç gilən dil,

Oxu oxu sarı bülbül.

Hər gün səhər-səhər silər.

Tozun alar, parıldadar,

Durub bir anlıq seyr edər.

Tikər yorğun gözlərini,

Sanki dalar keçmişlərə.

Ağ birçəkli qadın anam,

Heç baxışın sərməz yerə.

Başı uca, gözü diri,

Laləsinə baxar, baxar.

Baxışının vüs′ətinə,

Yoldan gələr güllü bahar.

Gözlərinin şoasında.

Dözümlərdən nişanə var.

Doğruluqdan, düzgünlükdən,

Sədaqətdən təranə var.

Azərbaycan ellərinin,

Anasıdır mənim anam.

Qəlbdən qopan şe´rlərimin,

Aynasıdır mənim anam.

Qəlbində zərrəcə toz yox,

Təmiz bilur laləsi tək.

Safdır, təmizdir, arıdır,

Köksündə alışan ürək.

Şah Bulağı suyun lildi.

Bir içim su içənmədim,

Həsrətinəm neçə ildi.

Olaram mən sənə bərdə,

Sən nərdəsən, oğlun nərdə.

Dərmansan hər qəmə dərdə,

Səndən axan qızıl güldü.

Söz qoşdum ürək dağladım,

Qussədən çələng bağladım.

Çoxlarına mən ağladım,

Dərdimi tək Düzgün bildi.

Köksünə gül taxar olsun.

Yenə alaçıq qurulsun,

Şah Bulağın axar olsun.

Korluq çəkməsin ellərin,

Dağlardan daşsın sellərin.

Ağ bəniz sarı tellərin,

Bayğın-bayğın baxar olsun.

Allah qorusun Zənganı,

Sənə baxş etsin elxanı.

Cəvanların qeyrət kanı,

İldırım tək şaxar olsun.

Qəlbimi burda quyladım,

Qamətinə boy boyladım.

Gözəllərini hoyladım,

Dönüb canım yaxar olsun.

Sultaniyə, sənə gəldim.

Tarixin odlu sinəsi,

Sultaniyə, sənə gəldim.

Yerin beşinci cənnəti,

Elin ən uca himməti.

Dinin mücəssəm qeyrəti,

Sultaniyə sənə gəldim.

Şamdan gəlirdi xəracın,

Misirdən, Çindən də bacın.

Yoxmuş acın, yalavacın,

Sultaniyə, sənə gəldim.

Mən düzgünəm, oğlun sənin,

Qurbət çəkəni vətənin.

Ürəyimə aldım qəmin,

Sultaniyə, sənə gəldim.

Gəzə-gəzə, sinlə dağlar.

Gül çiçəklər gətirmişəm,

Ətəyinə çinlə, dağlar!

Uzaqlarda tozum qaldı,

Dövran məni zülmə saldı,

Yarımı əlimdən aldı,

Yağı gəldi kinlə dağlar!

El mənim dərdimi bildi,

Gözlərimdən yaşı sildi.

Sovlətim inkar edildi,

Sən də ağla, inlə, dağlar!

Yad gözündə sözüm oxdur,

Qəmim var, sevincim yoxdur.

Düzgünün nisgili çoxdur,

Al köksünə dinlə, dağlar!

Yaşa səni, yaşa yaylaq!

Yolların nəfəsin kəsdim,

Yaşa səni, yaşa yaylaq!

Arzu edirdim uşaq kən,

Oynayardım dağlarında.

Qismət oldu görüm səni,

Ömrümün son çağlarında.

Səndən köçən ağır elə,

Başım üstə tac demişəm.

Qaşqayı tək elim vardır,

Deyiləm möhtac, demişəm.

Düzgünəm mən, saf eşqim var,

Çeşmələrin sayaq axar.

Səhəndin uca başından,

Həsrətlə «Dena»ya baxar.

گۆل چيخيب دۆزه.

قاللام آخردا،

حسرت او گؤزه‌‌‌.

ساللانيب سالخيم،

بولانار آرخيم.

چئوريله‌‌‌جكدير،

آخردا چارخيم.

مندن يان اولار،

او سئوديگيم يار.

بيليره‌م آخر،

گۆنۆم قارالار.

دويغو قالاجاق،

كؤنلۆم اوياجاق‌‌‌،

مني وطندن،

سۆرگۆن سالاجاق.

گئنيش گؤيلر تك

آچيقدير‌‌‌، صافدير‌‌‌.

بئله ده گره‌ك‌‌‌.

ائليم اؤيۆنۆ‌‌‌ر،

زامانا دؤنۆر‌‌‌.

خلق اۆچۆن منيم

قلبيم دؤيۆنۆر‌‌‌.

من آغلامازديم‌‌‌،

درد چاغلامازديم‌‌‌.

ائل قورتولسايدي‌‌‌،

جان داغلامازديم‌‌‌.

ميندي آتينا‌‌‌،

گئتدي ساتينا‌‌‌.

آلداندي يادين،

تبليغاتينا‌‌‌.

كيچيك شعرلر - ص  54.

قاراداغلي گؤزه‌ل ايگيد قهرمان.

قانادلاندي يئنه ترلان خياليم،

بودور، قوشدوم سنين شأنينه داستان.

تزاري - قاجاري سانجيردي سؤزۆن،

غضبله دولوردو هر ايكي گؤزۆن.

ظۆلمۆ – ايشكنجه‌ني گؤرمۆشدۆن اؤزۆن،

ايره‌لي گئديردين هئچ دايانمادان.

ائللرله بيرليكده قياما قالخدين،

آرزولار گؤيۆنده اولدوز تك آخدين.

شاهلارين كؤكسۆنه سۆنگۆده تاخدين،

سندن نور آليردي اؤلكه‌ميز ايران.

ائيله‌دي شاديانا مينلر گۆل سۆنبۆل.

باغچاني اوخشادي يئل شيرين – شيرين،

اگله‌نيب اؤپدۆلر گۆللر بير - بيرين.

يئل قالخيب يئنه‌ره‌ك سالدي سس – صدا،

لذت احوالاتي قوپدو باخچادا.

لذتله كاملاشماق واختي يئتيشيدي،

انتظار آيلاري  داها بيتيشدي.

ائركك گۆل اۆستۆندن قوپدو توخوملار،

ديشينين ايچينده قالاندي بار - بار.

قالخدي مينلر توخوم بير ائركك گۆلدن،

اوياندا - بوياندا اوينادي يئلدن.

دسته ايله ديشي باغدان اؤتۆشدۆ،

يوسما گۆللريله خئيلي اؤپۆشدۆ.

سئوديكجه كام آليب كام باغيشلادي،

بوردان اورا – اوردان بوردا اوينادي.

اوچغون داخما - ص 30.

يئني سيخي، يئني غربت ايسته‌يير.

يئني درد، يئني سؤز، يئني حادثه،

يئني ايشيق، يئني ظلمت ايسته‌يير.

قولاغيم تشنه دير، يئني سؤزلره،

بولانليق سولاردان قوي نجات تاپيم.

بوراخ وورسون دنيز يئني دالغالار،

قوي يئني كؤپۆكلر آغزيملا قاپيم.

داها قول قويمارام اسكي دبلره،

تازه‌ليك آجيدير وجودوم بۆتۆن.

ايستيرم بو ماوي ياشيل سمايا،

امليمله وورام يئني بير سيتون.

يوخسا قايتار مني أن اوزاق يئره

اسكي انسانلارين چيلپاق دؤورۆنه.

اوردا كي نه ياخشي، نه پيس يوخ ايدي،

قاييديم قوي داغي من يئنه - يئنه!

اوچغون داخما - ص 29 - 3 / 1 / 46.

باهار بايراميدير، باشلا اس آغ يئل.

بيرياندا قالخيبدير قيزيل‌لاله لر،

سن اسميرسن بوردا نييه بس آغ يئل؟

يوردومدان گئتمه‌يير سُست‌لۆگۆ قيشين،

قاباغا آپارير ظۆلمت اؤز ايشين.

اولما باتمايير بو ظاليمه ديشين،

وئر بو اؤلمۆش يئره بير نفس آغ يئل.

ساچمايير گۆنشي داي طبيعتين،

فرماني اؤتگۆندۆر قارا ظۆلمتين.

دۆشنده ياديما سنين قدرتين،

اويانير كؤنلۆمده مين هوس آغ يئل.

محبتدن يوخدور بوردا هئچ نه ايز،

يالتاقلار - ظاليملر اولورلار عزيز.

قالميشام وطنده يالقيز كيمسه‌سيز،

سن منيم سسيمه وئر بير سس آغ يئل.

گل باشلا ووروشو چيركين ظلمتله،

چاغير انسانلاري صاف محبّتله.

ايستي أسيب، يئري قوروت حدّتله،

قاراقيش اۆر‌كنين ديبدن كس آغ يئل.

كور يوخودان اويالت يازيق سارواني،

ايزله‌سين ده وه لر قوي بياباني.

پئشوازا چاغيرسين مينلر انساني،

سسلننده كارواندا جرس آغ يئل.

خئيلي واختدير آجي مئحلر اسيبدير.

آغير - آغير شپه يوردو باسيبدير،

سئوگيليمين يولون پالچيق كسيبدير،

دۆزگۆنۆن خطرينه گل بير اس آغ يئل.

اوچغون داخما - ص 27 - 16 / 2 / 46 - مهرام.

دار دۆنياني بي‌وفا گؤردۆ.

سينادي دوستو دۆشمني ياري،

قاراني آغ، آغي قارا گؤردۆ.

جاني قوربانليق ائتديگي دوستو،

غئير ايله يار و آشينا گؤردۆ.

هر كيمه ياخشيليق روا بيلدي،

اؤزۆنه قارشي ناروا گؤردۆ.

ياري‌نين خسته‌سي، غمه دۆشگۆن،

يارا جان وئرمه‌ده شفا گؤردۆ.

گؤزلري ياشلي قويدو اصحابي،

ترك قيلديحياتي زهتابي!