سنين تاريخيني كيمسه يازمادي،
اۆره‌گيم اوجوندا نيسگيلين قالدي.
ياد حيله ائيله‌دي، ياد مكر قيلدي،
مقدس روحونو اليمدن آلدي.
بيري تاريخينده يوخ هنر دئدي،
«بيري باران دئدي، بيري خر دئدي.» [1]
بيري گنجلرينه گؤر نه‌لر دئدي.
هر سؤيۆش ائشيتديم گۆنۆم قارالدي.
زنگان،
اي قامتي توپراغا دۆشن،
آسلانلارا وطن، نرلره وطن.
چلبي اوغلونو بئجردن سن سن،
قالخ ياد مني يامان گۆنلره سالدي.
بۆتۆن شرقه حكمت شعاسي ساچان،
ايرانا فلسفه قاپيسي آچان.
سؤيله گله‌جكسن اؤزۆنه هاچان؟
بو حاليني گؤردۆم قلبيم دارالدي.
قاراقوشون دۆشۆب يئره بايراغي،
هيدجين اويلاغين آليبدير ياغي.
علمين قايناغي‌سان، حكمت بولاغي،
توپراغيني اؤپن، فيكرته دالدي.
كۆچه‌لرين گزدي، دۆزگۆن آغلادي،
سۆز قوشدو، شعر يازدي، اۆره‌ك داغلادي.
سنه بير دسته گۆل - چيچك باغلادي،
اونو دا دار گؤز ياد اليندن آلدي.
زنگان لوحه‌لري - ص
16 .
