ائل نيسگيلي- EL NİSGİLİ

هوشنگ جعفري

ساوالان ساياغي دوروب قارشيمدا،

ووقارلي داغ‌لار تك اوجالان دوزگون!

كتاب ياز

پلّه قور،

كؤرپو سال گؤيه

داغ‌لاردان، داش‌لاردان، باج آلان دوزگون!

ديل‌لرده قالارسان، عصرلر بويو

يوزلرجه ساغ اولان

ساغ قالان دوزگون!

ساچيوا دن دوشوب

آغاريب باشين

قوجالما حاييف‌دي،

قوجالان دوزگون!

یازار : سيد احسان

شنبه 7 مرداد 1391 | باخیش لار (0)

دوزگونه عاشق

سيد مراد موسي‌پور

بير ساقي اليندن بير باده ايچديم،

سانكي بير تونقاللي آتشه دوشدوم.

وصال حسرتينده، آليشديم، پيشديم،

مني‌ده يانديران عشق اولدو له‌له.

بئش آد اؤيره‌تديلر، ساني يئدديدير،

ذكر ائتديم بئشيني، خاني يئدديدير.

پيمان باغلاديلار، كاني يئدديدير.

مني‌ده يانديران عشق اولدو له‌له.

گؤزلره وورولدوم اصلي باغيندا،

مجنونلا دولانديم ليلي داغيندا،

نسيمي تك گولدوم دار آياغيندا،

مني‌ده يانديران عشق اولدو له‌له.

حق مني دوزگون ـه ياراديب عاشق،

قلبينده سئوگيني، تؤره‌ديب صادق.

ان شاء الله كي اولام بو پيره لايق،

مني‌ده يانديران عشق اولدو له‌له.

هر كس عاشيق اولوب فاني دونيادا،

معشوقا چاتماييب پيشمه‌ميش اودا.

«مراد» اود ايچينده چاتيب مرادا،

مني‌ده يانديران عشق اولدو له‌له.

یازار : سيد احسان

شنبه 7 مرداد 1391 | باخیش لار (0)

دوز اولسون

مهندس محمدباقر باقري (اركين)

دكتر صديقساغدي هنوز قاليري،

او تبريزه هله ا‌يشيق ساليري.

كتاب اوسته گينه كتاب قاليري،

او باسواد بير كيشيدير، بير عارف،

يازير شهره دايرة‌المعارف.

سنين عمرون گؤروم اوستاد يوز اولسون،

قوي بودا بير مثل اولسون سؤز اولسون،

هر تبريزلي «دوزگون» كيمي دوز اولسون.

صداقتين نثار ائتسين تبريزه،

گول چيچك دسته‌سيله گلسين بيزه.

ديريليگينده من قدريني بيلديم،

زمانه‌نين توزون اوزوندن سيلديم،

گؤي گؤزونه باخديم سئوينديم گولدوم.

سنه بخش ائده‌رم هر نه واريمي،

اليمدن وئرمه‌رم سن تك ياريمي.

بير آدين دوزگوندور بيري صديقدير،

بوتون تبريزليلر سنه رفيقدير،

«اركين» سنه رفيقدن ده شفيقدير.

سنين بيرجه اشاره‌نله قاچارام،

قاپيلاري قاباغيوا آچارام.»

یازار : سيد احسان

شنبه 7 مرداد 1391 | باخیش لار (0)

لوحه‌لر لوحه‌سي

دكتر مرتضي مجدفر

از ميان 336 اثر متنوع، جامع الاطراف، خواندني، تأليف، ترجمه، نظم و مجموعه شعر، پژوهش، تصحيح و تحشيه، متون دانشگاهي، ادبيات كودكان، نقدها و مقدمه‌هاي استاد بزرگوارم دكتر حسين محمدزاده صديق، با حجم‌هاي كم و زياد، اگرچه من همه را دوست دارم و با تك تك صفحات برخي از آن‌ها به مثابه‌ي خاطرات دوران نوجواني و جواني‌ام زندگي مي‌كنم و با برخي ديگر چون تصحيح ديوان‌هاي فضولي، نباتي، هيدجي، سيد عظيم، نسيمي، واقف و قوشچو اوغلو همراهي و مؤانست شبانه دارم و تا صفحه‌اي از يكي از ديوان‌ها را نخوانم، سر بر بالين نمي‌گذارم، و بعضي ديگر را چون شاه اثري در بازنمايي فرهنگ، ادبيات و تاريخ مردم آذربايجان مي‌دانم، ولي به گمانم ماندگارترين و اثرگذارترين كتاب‌هاي دكتر صديق را بتوان كم حجم‌ترين آثار ويا ز الحاظ حجم و متون نوشتاري به شمار آورد، آثاري كه نه بر مبناي پژوهش و كنكاش در آثار پيشينيان و نقد و تحليل آن‌ها، بلكه از احساس و عمق جان دكتر صديق نشأت گرفته است. اين آثار كه در نامگذاري اكثر آن‌ها، استاد از عبارت «لوحه‌لر» استفاده كرده است، ناخودآگاه ذهن ما را به سمت و سوي الواح ماندگار تاريخ هدايت مي‌كند. الواحي كه هنوز بشر از آن‌ها ياد مي‌كند و مبناي فكر و انديشه‌ي انسان‌هاي امروزي، چه بسا مضامين لوحه‌هايي است كه از سال‌هاي دور، براي او به مرده‌ريگ گذاشته شده است.

یازار : سيد احسان

شنبه 7 مرداد 1391 | باخیش لار (0)

رادمرد آسماني

حسين علومي

الا اي رادمرد آسماني،
بزرگ انسان، صديق جاوداني.
تو دانشمند اين عصر و زماني،
حقيقت، فخر آذربايجاني.
صديق، اي دكتر هر علم و دانش،
برايت كو مثل در آفرينش؟
تو يكتا عالمي در علم تحقيق،
بزيبد بر تو آداب محقق.
مقالات تو در ايران‌شناسي،
كه در بعد ادب هست و سياسي،
در ايران تا كنون از كس نشد فاش،
به حيرت مانده از نقش تو نقاش.
متوني چون اوستايي در آن هست،
كه بوده مرد آخر با تو همدست؟
در آن آثار، گاتاهاي زرتشت،
سرود و نغمه‌هاي پشت در پشت.
از آن زرتشت ما تا شهريار است،
در اين اعجاز كارت آشكار است.
بسي دادي نشان از بي‌نشاني،
كتيبه‌هاي تُرك باستاني.
سخن از هر دقائق، هر ظرائف،
معرف شد ز گفتارت لطايف.
متون پهلوي را زنده كردي،
حقيقت را به حق پاينده كردي.
برآوردي سخن بهر سخنور،
نشان دادي ز ما راي دلاور.
نظامي را چنانكه بود گفتي،
ثناي حضرت معبود گفتي.
به ياد اوحدي بودي در اين كار،
به نام صائب آزاد گفتار.
تو شمس و مولوي را ياد كردي،
در آنجا عارفان را شاد كردي.
ز سبك حافظ و سعدي شيراز،
شدي با شهريار خويش دمساز.
در اين آثارف اي دانشور پاك،
ادب را از زمين بردي بر افلاك.
اديبان جمله مديون تو هستند،
همه از باده‌ي جام تو مستند.
جهان علم و دانش از تو آباد،
دل تركان ز گفتار تو بس شاد.
بزرگاني كه در تبريز بودند،
همه استاد شكّرريز بودند.
نه در گفتارشان لفظ عجم بود،
به تازي هر يكي بس محترم بود.
«خطيبي» بود تبريزي، سخندان،
كلام نغز او، چون آبشاران.
بسي با بوالعلا بزم سخن داشت،
در آن ايام زيبا انجمن داشت.
«شهاب الدين» بودي «سهروردي»،
يكايك اهل معنا مي‌شمردي.
به نام «مهرعلي» ديدم كلامي،
از آن گمنام بردي خوب نامي.
غزض، اين دفتر ايران‌شناسي،
نه ايران، بلكه يك دوران‌شناسي.
سترگ آثار تحقيقانه باشد،
به دانش گنج جاويدانه باشد.
منم عشق تو را در سينه دارم،
جز اين در زندگي درسي ندارم.

یازار : سيد احسان

شنبه 7 مرداد 1391 | باخیش لار (0)

سردار

جعفر اسماعيلزاده خرقاني (ائلجان)

سربازي سنگرده هويلايان نامرد،
ايندي گليب سني هويلايير، سردار!
بو حقيقتي بيلمير لاكين او غافيل،
سنين يوز مينلرجه فدائين‌ده وار.

سنين علمين دريا، بيليگين چوخدور،
سنين كيمي بوردا بيليجي يوخدور.
سؤزلرين دوشمنين گؤزونه اوخدور،
سنين بدخواهيندان اولموشام بيزار.

«قارا مجموعه»ني چكه‌رك اوزه،
يالتاقلاري بير- بير گتيردين ديزه.
«ائلجان» دئيير:«ناكس چيخسادا دوزه،
وئرمه بها اونون هايينا سردار!»

یازار : سيد احسان

شنبه 7 مرداد 1391 | باخیش لار (0)

ياشاسين

سؤز سوراغيندا- اوچونجو حيصه

حسين علومي

- 1-
دوزگون اي صاحب هر فن و بيان،
اي سخن‌پرور استاد زبان!
سنه فخر ائيلير آذربايجان،
نه قده‌ر حوصله وار سنده مگر؟
ياراديرسان نه قده‌ر سانسيز اثر.

ملت توركه بؤيوك زينت سن،
او بؤيوك ملته بير قدرت سن،
ياشا، دونيادا بيزه عزت سن،
قويموسان غصه‌لي دللر سيخيلا،
بوسبوتون دهرده گوللر سيخيلا.

يازيسان هر ائل اوچون بير نامه،
سن يازانلار سالوري هنگامه،
سنه لايق‌دي دئماق علامه،
هاني سن تك بيري بو دونياده،
سني الله يارادوب آزاده.

سن تك اوستاد بو دؤوراندا يوخ،
ملك تبريزده، تهراندا يوخ،
قسم آللاها بو ايراندا يوخ!
بيلمير ايرانلي سنين قدرتيوي
علميوي، معرفت و قيمتيوي

گاه فرهنگيده تحقيق ائديسن،
ريشه‌ي مطلبه گاهي گئديسن،
كيم بيلير علم و عملده نئديسن،
او اثرلر كه ديريلديرسن عزيز،
اونو بيلمزدي مگر اهل تميز.

چوخ كتيبه بيزه اعلان ائديسن،
متن تاريخي نمايان ائديسن،
عالمي واله و حيران ايديسن،
كول تيكن كيمدي ندي بو گؤزل آد
اوني خلقه قلمين ائيله‌دي ياد

بيلگه خاتون كيم ايدي حاكيمدي،
بيليريك تان يوقوق عالمدي،
يعني فرهنگه بولار خاديمدي.
بولاري ايندي ديريلدير قلمين
اسه‌جك تا دم محشر علمين.

نه قده‌ر واردي فلك، واردي جهان،
نه قده‌ر وار يئر و گؤي، دور زمان،
قلميندن قالاجاق خلقه نشان!
دئيه‌جك آي ياشاسين، گون ياشاسين،
ياشاسين حضرت دوزگون ياشاسين!

سن نه دوكتور سن ايا مرد عجيب،
سني الله ياراديب روحه طبيب.
خدماتين بيلر عالمده نجيب،
او نجيبي كه اؤزو ماهر اولا
نه علومي كيمي بير شاعر اولا.

- 2 -
قارا مجموعه اثردي بؤيوك،
شيخ صفي اثري، گؤزل بير مضمون!
وئريري گون كيمي عالمه نشان،
اونو بؤيوك بير عالم چون درّ مكنون.
دكتر صديق‌دور اهل صداقت،
دئييرلر آدينا ديللرده دوزگون.
تبريزين عزّتي، تبريز شرفي،
بلادان حق اونو ائيله‌سين مصون.

- 3-
اردبيل شهرينين اوجاليب آدي
شيخ صفي به‌زه‌ييب دارالارشادي.
اؤرگه‌ديب امّته هر بير زادي
استقلال او وئريب آذربايجانا،
ابدي شرفدير مُلك ايرانا.

شيخ صفي جنتدن دور گل بويانا،
باخ گيلن دوزگونه، آذربايجانا.
گؤر نئجه آديوي چكير مئيدانا
قدريني بيلميري بيلمه‌سين دشمن،
اولوبدو اونيله معطر گلشن.

بو دوزگون دوزگوندي علم و عملده،
اوستادلار اوستادي ازبردي ديلده.
داياخدي توركلره دئييب ازلده
عؤمرونو سوروري بو خدمتيله
اوجالدير اؤز خلقين جسارتيله.

دوزگونون شيوه‌سي گؤزلدي گؤزل
گر يازا قصيده، گر دئيه غزل
بلادان ساخلاسين حيّ لم يزل
كلمه‌ني اوزاتماز مدّيندن آرتيق
اوجاتماز بيريني حدّيندن آرتيق.

- 4 -
شيخ صفي خدمتين يئتيردي باشا،
دوشمنين باشيني دولادي داشا.
قارا مجموعه‌يه ائيله تماشا
گؤروسن اوجالديب اوجاني ايلي،
بسله‌ييب جام كيمي شاه اسماعيلي.

یازار : سيد احسان

شنبه 7 مرداد 1391 | باخیش لار (0)

بهروز ايماني

قاشقايى لوحه‌لرى

تورك ائللرى، عدالتى سئوه‌ن، حاققين آرخاسيندا هميشه دوران، زوراكيليق قبول ائتمه‌ين، ايگيد و دؤيوشكن خالقلار اولموشلار.

واختى ايله دونيانين ان گوجلو امپراتورلاريندان اولان، 500 ايله ياخين، شرق ايله غرب عالمينه حؤكم سورن تورك قهرمانلاري، سارسيلماز و جومرد ايگيدلر اولارلار، اونلارين اؤنونده دايانيب، قارشي قارشيلا قيلينج چالماق غير ممكن ايدى.باشقا خالقلار بونا اينانيرديلاركى، تورك‌لره غلبه چالماق اونلاري ايسته‌ييندن، يوللاريندان دؤنده‌رمه‌يين قارشيسيندا بير يول وار، اودا اونلارين ايچينده نفاق توخومو اكيب، اونلاري بير– بيرلرينه دوشمن ائتمك دير. دونيانين مختلف قوملارى اوزون– اوزادى، سياست‌لرين يولونو ايزله‌ييب نهايت اؤز مقصد‌لرينه نايل اولدولار.گؤره‌سن نئيه بئله اولموشدور؟ اونون بير نئچه سببى واردير اونلاردان بيرى بو ملّتيق آچيق اوره‌ك‌لى و هاميني اؤزلرى كيمى دوز بيلمه‌لرى‌دير. آمما ان سارسيديجيسي اودوركى، آغاجي اؤز ايچيندن قورد يئسين، تورك – توركه دوشمن اولسون.

سلطان سليم، چالديران دؤيوشونده، شاه اسماعيل ختايى ايله دؤيوشه چيخيب، ايكى مسلمان توركون، بير – بيرينين الى ايله قاني تؤكولسون.امير تيمورون اوغلونون امرى ايله آذربايجان داهي شاعيرى عمادالدين نسيمى‌نين دريسى سويولسون و نهايت شاه عباس صفوى‌نين تضييقى نتيجه‌سينده قاشقايى ائلى اؤز دوغما يوردلاري آذربايجاندان فارس ولايت‌لرينه سورگون ائديلسين. بو تشبّوث صفوى‌لردن سونرادا دوام ائده‌رك اينديه كيمين‌ده اولدوغو كيمى قالير. قاجار شاهلاري آذربايجاندا اولمازين اويونلاريني يولاسالاراق، گولوستان و توركمن‌چاى معاهده‌لرينده اؤز عيبه‌جر عمل‌لرينه نايل اولا بيلميشلر. نهايت مشروطه حركاتيندا ستارخان قارشيسيندا دايانان اساس عامل‌لر بيزيم اؤزلريميز ايديك. پهلوى دودمانيندا رضا و اونون قولدور اوغلو محمد رضا‌نين تورك‌لره قارشي آپارديغي عيبه‌جر سياست‌لرينى كيم‌لر ائتميشدير. همين سايي اؤزوموزدن اولان كسروى‌لر، يحيى ذوكالار و ايندى‌ده عنايت الله رضالارين، رضا زاده شفق‌لرين مئيدانلاريني سولايان كاوه بيات‌لار، نصرالله پور جوادي‌لرين ساييني سايماقلا قورتارمير. اونا گؤره‌ده قاشقايي ائلى‌نين اوزاقلاردا قالماسي بيزه غريبه گلمير.

«قاشقايى لوحه‌لرى» آدلانان كيتابى آراشديرمادان اؤنجه بو ائل باره‌ده الده ائتديگيم بيلگى‌لرى عزيز اوخوجوما چاتديرماغي يئرلى گؤروه‌رم.

قاشقايى ائلى، ايران تورك‌لرينين و يا خود اوغوز تورك‌لريندن،24 قبيله‌لرينين بيرى ديرلر. بعضى عاليم‌لرين فيكيرينجه، قاشقايى، ائلى‌نين ديللرى توركيه تورك‌لرينين (عثمانلي تورك‌لرينين) ديللرينه ياخين اولدوقلاري اوچون شاه عباس صفوى اونلاري توركيه سرحدلريندن، فارس ولايت‌لرينه كؤچورمه‌يه مجبور ائتميشدير. گويا بو ائل 8– نجى عصرده مغوللار روسيه‌دن گئده‌ن زامان، اسلاولار قوزئى‌دن گونئيه دوغرو آخينديلار و اوردا اولان غربى تورك‌لرينى سيخينتييا قويدولار. اونلار (غربى توركلر) اؤز اراضى‌لرينى الدن وئريب، آرازين شيمال و جنوب حيصه‌لرينده مسكونلاشديلار. اونلاردان بير دسته‌سى كريمه و بوگونكو توركيه‌ده سيغينديلار.قاشقايى‌لر باره‌ده باشقا بير فيكيرده مؤجود دور: گويا شاه عباس پايتختى تبريزدن، اصفهانا آپارديغي اوچون بو ايش بير سيرا تورك‌لرين خطيرينه ده‌يميش اونونچون شاه عباسين عليهينه، بير سيرا مبارزه‌يه ال آتميشلار. نهايت شاه اؤلدوره‌نلرى اؤلدوروب قالانلاري ايسه، فارس ولايت‌لرينه سورگون ائتميشدير. فارس ولايت‌لريندهاونلارين سايي گئت – گئده چوخالاراق، بؤيوك بير ائله چئوريلميشلر. و اونلار اؤز يوردلاريني ترك ائتديكلرى اوچون «قاشميشلار» آدي ايله ائل آراسيندا تانينميشلار.

سؤز سوراغيندا- ايكينجي حيصه

یازار : سيد احسان

جمعه 6 مرداد 1391 | باخیش لار (0)

بهروز ايماني

اوچغون داخما

1361– نجى گونش ايلى ايشيق اوزو گؤره‌ن اوچغون داخما شعر توپلوسو، عموميتله شعردن آرتيق شعارچيليغا آرتيق يئر وئره‌ن مؤضوعلارى عكس ائتديرير. عين حالدا او دؤره‌ده باش وئره‌ن حادثه‌لرى دريندن ايزله‌يه‌رك، بير چوخ شعرلر يازماقلا ياناشى خالق باياتيلاريندان فايدالاناراق، شاه دؤرونده باش وئره‌ن حادثه‌لرى خاطير‌لاياراق،درين فيكير دونياسينا اوز گتيرير:

باغلار سيلكيندى باردان،

دوشمن كام آلدي ياردان.

نولا بير خوش گون گله،

بيزده قورتاراق داردان.

اوچغون داخما شعر مجموعه‌سينى آراشديراندا، ايستر– ايستمز سوئت‌لر بيرليگى‌نين قبول ائتديريلميش، ادبى سبك‌لرى يادا دوشور. «ادبى مكتب‌لر» اثرينين مؤلفى «از باروك تا پارناس» روسيه‌نين رئاليسم ادبى مكتبينى اوچ حيصه‌يه بؤلور. 1– ايلك رئاليسم، 2– تنقيدى رئاليسم، 3– سوسياليستى رئاليسم.

ايلك و تنقيدى رئاليسم‌لر باره‌ده سؤز آچماغا آرتيق احتياج دويولمور. آنجاق سوسياليستى رئاليسم ادبى سبكى اطرافيندا دانيشماق طبيعى نظره گلير.

سوسياليستى رئاليسم، ادبيات ساحه‌يسنده سوئت‌لر بيرليگى‌نين مكتبيندن قيدالانان بوتون اؤلكه‌لرين رسمى مكتبى سانيليردي. سوسياليستى رئاليسم 1934– نجو ميلادى تاريخينده مسكودا كئچيريلن، شوروى يازيچي‌لارينين بيرينجى كنگره‌سينده رسمى صورتده اؤز يئرينى آلدي. سوسياليستى رئاليسم مكتبينده، هنرمند هرنه‌دن آرتيق انقلابچي احوال– روحيه‌ده ياشامالي و بير سؤزله انقلابى اثرلر ياراتمالي‌دير. يئرى گلميشكن دئمه‌لى‌يم‌كى،1932– نجى ميلادى تاريخينده كمونيست پارتياسي‌‌نين مركزى كميته‌سى سوئت‌لر بيرليينده فعاليت گؤستره‌ن بوتون ادبى، هنرى درنگ، تشكيلاتلاري رسمى صورتده اورتادان قالديراراق اونلارين واحد بير سنديكادا فعاليت گؤسترمه‌لرى قرارا آلينميشدير. بونونلا بئله كمونيست پارتياسى سؤزو گئده‌ن سنديكالارين بودجه‌سينى تامين ائده‌رك، بوتون هنر ساحه‌سينده فعاليت گؤستره‌ن يئرلرده اؤز فيكير و ائدولوژلارينى تبليغ ائتمه‌يه باشلاميشلار. بئله‌ليكله 1934– نجو ميلادى تاريخينده سوسياليستى رئاليسم هنرمندلر ايچره‌سينده اؤزونه مخصوص يثر آچماغا باشلادي. سوسياليستى رئاليسم مكتبينده، پارتيانين ايدئولوژيك اوصولونا اويغون فعاليت گؤسترمك و خالقا خدمت گؤسترمك، زحمت‌چى‌لر مبارزه‌لريندن مدافعه ائتمك و انترناسيوناليسم روحيه‌ده ياشاماغا آرتيق يثر ويريلير.

سوسياليستى رئاليسم مكتبى، بوتون سوسياليستى اؤلكه‌لرده، سؤزون دوغرو معناسيندا دونيانين هر يئرينده آرتيق منيمسه‌نه‌رك، ايراندا خصوصى ايله آذربايجاندا، بؤيوك مؤقعيته يييه‌لنميشدير. بو خصوصدا رحمت‌ليك صمد بهرنگى، عليرضا نابدل، بهروز دهقاني و دوقتور حسين دوزگون آدلاريني خصوصى صورتده وورغولاماق آرتيق يئرينه دوشردى. دوقتور دوزگونون بير چوخ شعرلرى، خصوصى ايله اوچغون داخما شعر مجموعه‌سينده سوسياليستى رئاليسم مكتبى‌نين ايزلرينى آختارماق چوخدا چتين دگيلدير.

سؤز سوراغيندا- بيرينجي حيصه

یازار : سيد احسان

جمعه 6 مرداد 1391 | باخیش لار (0)

بهروز ايماني

دوقتور دوزگونون شعرلرى باره‌ده سؤز - صحبتدن قاباق، ادبى تنقيد و آذربايجان ادبياتيندا تنقيدين اؤزه‌ل يئرى خصوصوندا دانيشماق، آرتيق ضرورت‌ طلب ائدير.

آرتيق سؤزو اؤلچمك و تانيماق كيمى تعريف اولونان ادبى تنقيدده تنقيدچى بيرينين ياراديجيلق دونياسينا دريندن گيريب، اونون ادبى اثرلرينى شرح و تفسير ائتمكله، او اثرين مثبت و منفى جهت‌لرينى آچيب، هانسي قايناقلارا يييه‌لنديگينى ايره‌لى چكير.

تنقيد و آذربايجان آغيز ادبياتي:

آذربايجان آغيز ادبياتيندا تنقيدين بؤيوك رولو، درين كؤك‌لرى و منشايى واردير. بو خصوصيت هر نه‌دن آرتيق آتالار سؤزونده و مثللرده گؤزه چارپير.مثلا آتا اؤز – اوغلونا نصيحت وئره‌رك دئيير: « اوغول سنى گولدوره‌ن يانيندا اوتورما، آغلادان يانيندا اوتور». بو مثلده «گولدورمك» و «آغلاتماق» آنلاميندا يالنيز تنقيد احوال- روحيه‌سينى گؤروروك. و يا خود بير آيري مثلده « دوست- دوستونون گوزگوسودور».

تنقيدين يوكسك مقامى تكجه آتالار سؤزونده و نثرلرده دئييل، بلكه ايهاملا دئييلميش، يوزمالاردا و لطيفه‌لرده‌ده ‌گؤرمك مومكوندور. دئييرلر گونلرين بير گونو اؤلكه پادشاهي‌‌نين، ادبياتا و شعره ماراغي گونو گوندن چوخاليب، امر ائديركى، اؤلكه‌ده، ياخشي شاعير وارسا، اونون يانينا گتيرسينلر. شاعيرلر گليب، پادشاهين سونسوز محبت و رغبتى ايله قارشيلانيرلار. دئييرلر شاه اونلارين گئييم و يئمكلرينه چوخ ياخشي يئتيشيب، سونسوز حؤرمت بسله‌ييرميش. بو طرفدن ادبياتين و شعرين نه اولدوغونو بيلمه‌ين و استعدادى اولمايان بير شخص، دربارا سوخولماق طاماحى ايله بير ته‌هر اؤزونو شاعيرلر جرگه‌سينه قوشور.

واخت او واخت اولوركى، شعر مجلسى قورولور. هامى شعرينى اوخويور، واخت بونا چاتاندا، شاه اونو اؤزونه مخصوص حالت ايله ادبياتچيلارا تقديم ائدير و امر وئريركى، اؤز شعرينى اوخوسون، او شعرينى اوخوماغينا اوخويور، آمما اورادا اولان سؤز صرافلاري، اونون بو هدر سؤزلرينه دؤزه بيلمه‌ييب گولمه‌يه باشلاييرلار. بو گولوشلر شاها چوخ آغير گلير، سببينى سوروشدوقدا باخيب گؤروركى، اونون اوخودوغو سؤزلرده او كى، يوخدور، او دا شعريت‌دير. بونا گؤره‌ده شاه بتر عصبيله‌شير و فرمان وئريركى، اونو سحره كيمى، دربارين قاباغيندا يئرلشن گؤله (حووضا) سالسينلار. شاهين خدمت‌چيلرى اونو گورولتو ايله سويا ساليرلار. تازا شاعير سودا چاليخلايا چاليخلايا قالير. او طرفدن ده يئل اونون پاپاغيني سويون اوزونده او طرف بو طرفه آپارير. شاهين ايتى تازا شاعيرين پاپاغيني، ماراقلي گؤروب، سويا گيرمه‌لى اولور. بونو گؤره‌ن بو يئنى شاعير، ايته سارى گئديب، اونا خطابن دئيير: «يقين سن‌ده پيس شعر اوخودون، شاه سنى ده سويا آتدي.» بيز بو لطيفه ده گولوشدن آرتيق، شعرين اهميتينى و تنقيدين ضرورى اولدوغونو دويوروق.

شيخ محمد خياباني منظومه سي

یازار : سيد احسان

جمعه 6 مرداد 1391 | باخیش لار (0)

شئيخ محمد خياباني

عزيز محسني

شئيخ محمد خياباني‌نين حياتي، فعاليتي، بو بؤيوك عاليم و روحاني‌نين خائينجه‌سينه شهيد اولوب تبريزين كوچه‌لرينده سورونمه‌سي و او بيري‌طرفدن اوستاد دوزگون سؤيله‌ديگي محتوالي، معنالي و دگرلي منظومه‌سي، مني وادار ائتدي قلمي گؤتوروب بو باره‌ده، ده‌گرسيز اولموش اولسادا، اؤز نظر و تاثّراتيمي يازام.

هر شئي‌دن اوّل بونو دئمه‌لييم بيزيم دوغما يوردوموزون اؤلمز عاليم و قهرماني باره‌ده چوخ آز دانيشيليب و حقيقتده بو صادق، فداكار خطيبين و يئنيلمز قهرمانين حاققيندا حددن آرتيق قصور اولوب، شئيخ محمد خياباني بو گؤركملي عاليم و روحاني غريب قالميش و بو عظمتلي انسانين باره‌سينده اينديه‌دك نه بير قلم و نه بير نمايش گؤستريليب و بو حاقدا يازيلان كيتابلارين سايي بارماقلاريميزين ساييندان‌دا آزدير. اوستاد دوزگونون بو حماسه‌ني اوره‌گي آغرييا – آغرييا ياراتماسي و سئويملي قيزي‌‌نين دوغوم گونو مناسبتي ‌ايله اونا هديه ائتمه‌سي چوخ يئرلي و تقديره ‌لايق‌دير. بونو بورادا دئمه‌ليك، بيزلرده بئله بير دب واردير، اوشاقلارين دوغوم گونونو، آتا- آنا آغيرلايارلار، مجلس قورارلار و بو شادليق مجلسينه، قارداش- باجي، آتا- آنا، قوهوم، هديه گتيريب دوغوم گونو اولان قيزا يا اوغلانا تقديم ائده‌رلر.

اوستاد – شاعير بو اثري ياراداندا، اوره‌گي درده‌ گلير، دوشونجه‌لره‌ دالير، خلقي‌نين، قهرمانلارينين،‌يازيچي‌‌لارينين، شاعيرلرينين، عاليم و صنعتكارلارينين نيسگيل و حسرتي شاعيري ياخيب يانديرير. احساسلي شاعير جمعيتده اولان حق‌سيزليكلري، عدالت‌سيزليكلري دريندن گؤرور، خلقي‌نين ديلي، مدنيتي و منليگي آياقلانديغيني دوغما شاعيرلرين كيتابلاري قولتوقلاريندا، گؤزه‌ل و حق يولوندا سؤيله‌ديكلري سؤزلري آغيزلاريندا قالماقلاريني گؤرور، اودور شاعير سؤزه‌ گلير و اوره‌ك يانديريجي سؤزلري گؤر نه‌ قده‌ر شعريّت و گؤزه‌لليكله ايفاده ائدير:

«شاعيرلرين كيتابلاري قولتوغوندا قالاندا،

نئجه ‌منيم قيزيل قلبيم هئچ آغرييا دوشمه‌سين؟

***

دوگونله‌نيب تورپاقلاردا آنالارين باخيشي،

يوز ايل‌لر يول گؤزله‌ييرمي بير ائل، اولوس، بير ملت؟»

آرديني اوخو

یازار : سيد احسان

جمعه 6 مرداد 1391 | باخیش لار (0)

گوللر آچاجاق

گوللر آچاجاق

رضا همراز

ادبياتيميز و كولتوروموزه گئجه- گوندوز يورولمادان، جان‌دان مايا قويان‌لار ايچينده شوبهه‌سيز كى، اوستاد دوقتور حسين صديقين پايي هامي‌‌دان چوخ اولماسادا‌، چوخ‌لاريندان آرتيق اولموشدور.

مبالغه‌سيز دئسه‌ك، اونون چاليشقان‌ليغي تانيديغيميز ادبيات‌چى و شاعيرلر ايچره تاى‌سيزليغي آپ- آيدين دير.

او، ايسته‌ر شاعير، ايسته‌ر قزئته‌چى، ايسته‌ر ترجمه‌چى و ايسته‌رسه باش رئداكتور اولدوغوندا آغير وظيفه‌لر داشيميش‌دير.

دوقتور صديقى، ياراتديغي اثرلرينه گؤره بير شاعير، عاليم، بيلگين اديب و تاريخ‌چى كيمى تانيريق. فيكريميزجه او، ائلى‌نين يانيندا همه‌شه باشي اوُجادير. نييه كى او، اؤز وطنداش‌ليق بورجونو ائلى‌نين و وطنى‌نين قارشي‌‌سيندا، اوست سطيرلرده دئديگيميز كيمى دؤنه- دؤنه آغير و تَهلوكه‌لى زامان‌لاردا اؤده‌ييب‌دير.

شاعير، اوستاد حسين دوزگون يا‌زيچي‌‌ليق عَرَفه‌سينه آياق قويدوقدا، شاه و اونون فيكيرداش‌لاري‌نين ايچ اوزونو قات- قات آچيب گؤسته‌رمه‌كده و اونلارين ظاهيرده گيزلى ماهيت‌لرينى ايفشا ائتمه‌كده دوغرودان دوغروسو شهامت و جسارت گؤسته‌رميش‌دير:

.... قيزيل گول دوغاندا منى ياد ائله،

فعله‌لر قالخاندا منى ياد ائله.

انقلاب اولاندا منى ياد ائله،

آى گؤزه‌ل انسانيم اونوتما منى ....

آرديني اوخو

یازار : سيد احسان

جمعه 6 مرداد 1391 | باخیش لار (0)

بير بؤلوك دورنا

بير بؤلوك دورنا

صديار وظيفه

اؤتن‌ يوز ايل‌ليكلرده‌ اولدوغو كيمي‌، ياشاديغيميز يوز ايل‌ليكده‌ده‌، مكتوب‌ ادبياتيميزين‌ آپاريجي‌ قولو يئنه‌ ده‌ شعريميزاولموشدور. ائله‌جه‌‌ده‌، چاغداش‌ مقاومت‌ ادبياتيميز اؤزونو يالنيز شعير فورمالاريندا گؤستره‌ بيلدي‌. شعريميز بو آپاريجيليغي‌ اوزاق يوز ايل‌ليكلردن‌ باشلاميش‌ كئچيرديگي‌ اوغورلو مرحله‌لري‌‌نين‌نتيجه‌‌سينده‌ اله‌ گئچيريبدير.

ائله‌ اونا گؤره‌ ديركي‌، شعريميز هميشه‌ ميللي‌ شعوروموزون‌داها دا گوجلو اولان‌، داهادا تأثيرلر بوراخابيله‌ن‌ ميكرافونونا چئوريلميشدير. ميللي‌ ذؤقوموزو اوخشايان‌، ائله‌جه‌ده‌ ميللي‌دوشونجه‌‌ميزي‌ اؤزونده‌ عكس‌ ائتديرين‌ گوجلو صنعت‌ نمونه‌سي‌ اولموشدور.

اؤتن‌ يوز ايل‌ليگه‌ قده‌ر، توپلومسال‌ قايغيلاريميزدان‌ دانيشماق ايسته‌ينده‌، بيرينجي‌ دفعه‌ شعر صنعتينه‌ اوز گتيرميش‌ و اونون ‌انكشافينا چاليشيميشيق‌. شعرين‌ عكسينه‌ اولاراق، رومان‌ ادبياتيميز هئچ‌ واخت‌ اؤنم‌‌لي‌ اولماميشدير. معين‌ سبب‌لره‌ گؤره‌، ياراديجيليق‌ دونياميزي‌ باشقا صنعت‌ نؤوعلري‌ ايله‌ خالقا چاتديرماق ايستمه‌ميشيك‌. يقين‌ كي‌، بو خالقين‌ دا ايستمه‌ديگيندن‌ آسيلي اولابيلر. داها آرتيق‌ شعيره‌ مئيل‌ اولدوغوموزا گؤره‌، بيزه‌ شاعير خالق‌ دا دئميشلر. آنجاق شاعير روحلو خالقميز، داها دوزگون‌ فيكير سؤيله‌‌ييبدير. خالق‌ داهادا پوئتيك‌ دويغولارا مالك‌ اولوب‌، بيزي‌ اؤز رومانتيكاسيندا ياشادا بيله‌ن وطنداشلاريميزا اصيل‌ شاعيردير دئميشدير. اودوركي‌، سؤز صرافلاريميزين‌ شعر و شاعيرليك‌ حاققيندا أل‌ده‌ ائديله‌ن ‌دوشونجه‌لري‌، زامان‌ ـ زامان‌ فرقله‌نير. بئله‌ بير حقيقته‌ده‌ اينانا بيليريك‌ كي‌، تئاتر، رسامليق‌ و رومان‌ ادبياتي‌ كيمي‌ صنعت‌ اؤرنك‌لري‌ بيزيم‌ خالقين‌دا ميللي‌ شعورونو عكس‌ ائتديرمگه‌ ايمكان‌ تاپسايدي‌، شعريميزين‌ آرخيوينده‌، تاپديغيميز شاعيرلريميزين ‌سايي‌ بو قدرده‌ چوخ‌ اولموياجاقدي‌. كلاسيك‌لريميزده‌ اولدوغو كيمي‌، چاغداش‌ دؤورموزده‌ ده‌ بيرچوخ‌ علم‌ آداملاريميزين‌ شاعير اولدوقلاريني‌ گؤروروك‌. اونلار، يوخاري‌ سوييه‌ده‌ عاليم ‌اولدوقلارينا باخماياراق صنعته‌ گلديكده‌ شعر ايله ‌ماراقلانيبديرلار.

آرديني اوخو

یازار : سيد احسان

جمعه 6 مرداد 1391 | باخیش لار (0)

صمد بهرنگي منظومه‌سي